MNP ၊ ဇွန် ၁၆
အာဆီယံကော်မတီဝါရှင်တန် (ASEAN Committee in Washington – ACW) ၏ လှုပ်ရှားမှုအဖြစ် ကော်မတီအလှည့်ကျဥက္ကဋ္ဌ ကမ္ဘောဒီးယားသံအမတ်ကြီး H.E. Mr. Keo Chhea က အမေရိကန်ကာကွယ်ရေးဝန်ကြီးဌာန တောင်နှင့် အရှေ့တောင်အာရှဆိုင်ရာ ဒုတိယလက်ထောက်ဝန်ကြီး Ms. Lindsey W. Ford အား အလုပ်သဘော နေ့လယ်စာစားပွဲဖြင့် ဝါရှင်တန်မြို့ရှိ ကမ္ဘောဒီးယားသံရုံး၌ ၁၄-၆-၂၀၂၃ ရက်နေ့၊ မွန်းလွဲပိုင်းက တည်ခင်းဧည်ခံခဲ့ရာ မြန်မာသံရုံးယာယီတာဝန်ခံ ဦးသက်ဝင်း တက်ရောက်ခဲ့ကြောင်း သိရသည်။
ယင်းအစီအစဉ်သို့ မြန်မာသံရုံးယာယီတာဝန်ခံ ဦးသက်ဝင်းသည် အခြားအာဆီယံ သံရုံးအကြီးအကဲများ၊ ကိုယ်စားလှယ်များနှင့်အတူ ပါဝင်တက်ရောက်ခဲ့ပြီး၊ အမေရိကန်ကာကွယ်ရေးဝန်ကြီးဌာန၏ အရှေ့တောင်အာရှဒေသဆိုင်ရာ တာဝန်ရှိသူများလည်း တက်ရောက်ခဲ့ကြသည်။
အလုပ်သဘော နေ့လယ်စာစားပွဲတွင် အာဆီယံနှင့် အမေရိကန်နိုင်ငံ တို့အကြား ထူထောင်ထားပြီးဖြစ်သော ဘက်ပေါင်းစုံ မဟာဗျူဟာမြောက် မိတ်ဘက်ဆက်ဆံရေးနှင့်အညီ နှစ်ဖက်ပူးပေါင်းဆောင်ရွက်မှုများ တိုးမြှင့်နိုင်မည့်ကိစ္စရပ်များ၊ အင်ဒို-ပစိဖိတ် ဒေသတွင်း ဖြစ်ပေါ်တိုးတက်မှု အခြေအနေများအပေါ် အမြင်ချင်းဖလှယ် ဆွေးနွေးခဲ့ကြကြောင်း သိရသည်။
#MyanmarNationalPost
No comments:
Post a Comment