MNP ၊ ဇွန် ၂၇
မြို့နယ်လူမှုဦးစီးဌာန မှ ကြီးမှူး၍ ရခိုင်ပြည်နယ်၊ စစ်တွေခရိုင်၊ရသေ့တောင် မြို့၊ အထက(၁)ကျောင်းတွင် လူကုန်ကူးမှုတားဆီးရေးနှင့်ကလေးသူငယ်ကာကွယ်စောင့်ရှောက်ရေး အသိပညာပေးဟောပြောပွဲကို ယနေ့ နံနက် ၁၁ နာရီ က
အဆိုပါကျောင်းခန်း မဆောင်၌ ပြုလုပ်ကျင်းပခဲ့သည်။
ရှေးဦးစွာ မြို့နယ်အထွေထွေအုပ်ချုပ်ရေးမှူး ဥက္ကဌ ဦးနိုင်လင်းထက်က အဖွင့်အမှာ စကားပြောကြားပြီး၊ မြို့နယ်ရဲတပ်ဖွဲ့မှ ရဲမှူးသက်နိုင်ဦးက လူကုန်ကူးမှု တားဆီးကာကွယ်ရေး၊ ကျောင်းသားလူငယ်များသိကောင်းစရာများကိုအသိပညာပေး ရှင်းလင်းဟောပြောကြားခဲ့သည်။ ဆက်လက်၍ လူမှုဝန်ထမ်းဦးစီးဌာနမှ မြို့နယ်ဦးစီးမှူး ဦးမျိုးမင်းမောင်ကကလေးသူငယ်ကာကွယ်စောင့်ရှောက်ရေးသိကောင်းစရာအသိပညာ ဗဟုသုတများကို ဆွေးနွေးပြောကြားခဲ့သည်။
ထိုနောက် မြို့နယ်အထွေထွေအုပ်ချုပ်ရေးမှူး ဥက္ကဌ ဦးနိုင်လင်းထက်က ကျောင်းသားလူငယ်များ အနေနှင့် ဟောပြောဆွေးနွေးမှုများအပေါ် လိုက်နာဆောင်ရွက်ပြီး ထူးချွန်ထက်မြတ်သည့်လူရည်ချွန်များ ဖြစ်အောင်ကြိုးစားကြရန်ဆွေးနွေးဟောပြောခဲ့သည်။
အဆိုပါ လူကုန်ကူးမှု တားဆီးရေးနှင့်ကလေးသူငယ် ကာကွယ်စောင့်ရှောက်ရေး အသိပညာပေး ဟောပြောပွဲသို့အထက(၁)ကျောင်းမှ ကျောင်းအုပ်ကြီးနှင့်ကျောင်းသား၊ ကျောင်းသူများ ၂၀၀ ဦးခန့်တက်ရောက်ခဲ့ကြောင်းသိရှိရသည်။
https://t.me/MyanmarNationalPost
No comments:
Post a Comment