MNP ၊ ဇွန် ၂၇
မွန်ပြည်နယ်၊ သထုံမြို့ရှိ ငါးလုပ်ငန်းသင်တန်းကျောင်းတွင် ဇွန်လ ၂၇ ရက်၊ နံနက် ၉ နာရီအချိန်ခန့်က ငါးဆေးထိုးသားဖောက်ခြင်းနှင့် ရေချိုငါးမွေးမြူရေး သင်တန်းဖွင့်ပွဲ အခမ်းအနားကို ကျင်းပသည်။
အခမ်းအနားတွင် မွန်ပြည်နယ်ငါးလုပ်ငန်းဦးစီးဌာန ဒုတိယ ပြည်နယ်မှူး ဦးတင်နိုင်ဝင်းက အမှာစကားပြောကြားပြီး သင်တန်းနည်းပြများက ငါးဆေးထိုးသားဖောက်ခြင်းနှင့် ရေချိုငါးမွေးမြူရေးဆိုင်ရာ သိကောင်းစရာများကို စာတွေ့လက်တွေ့ သင်ကြားပို့ချပေးခဲ့သည်။
အဆိုပါအခမ်းအနားသို့ မော်လမြိုင်၊ သထုံနှင့် ကျိုက်ထို ခရိုင်ငါးလုပ်ငန်းဦးစီးဌာနတို့မှ ခရိုင်ဦးစီးမှူးများနှင့် မြို့နယ်ဦးစီးမှူးများ၊ ငါးလုပ်ငန်းစခန်းတာဝန်ခံများတက်ရောက်ခဲ့ကြပြီး သင်တန်းတွင် သင်တန်းသားသင်တန်းသူ စုစုပေါင်း(၂၅)ဦး တက်ရောက်ကြလျက်ရှိကြောင်း သိရသည်။
https://t.me/MyanmarNationalPost
No comments:
Post a Comment