MNP ၊ ဇွန် ၅
ရှမ်းပြည်နယ်(အရှေ့ပိုင်း)၊ မိုင်းယောင်းခရိုင်၊ မိုင်းယောင်းမြို့နယ်အတွင်းမှ ရာသီပေါ်သီးနှံဖြစ်သော ဒေသခြံထွက် တညင်းသီးများသည် ယခုနှစ်တွင် အထွက်နည်းပြီး အထူးရောင်းအားကောင်းကာ ယခင်နှစ်ထက် ဈေးပိုမိုရရှိကြောင်း သိရသည်။
တညင်းသီးကို အတို့အမြုပ်အဖြစ် အစိမ်းစားပြီး အချို့က ဟင်းချက်စရာအဖြစ်လည်း စားကြကြောင်း၊ ယခင်နှစ်က တညင်းသီးဖြိုင်ဖြိုင်ထွက်၍ တစ်ပြည်ကို ကျပ် ၂၇၀၀ မှ ၃၀၀၀ ကျပ် ရောင်းရကာ ယခုနှစ်တွင် ၃၀၀၀ ကျပ်မှ ၄၀၀၀ ကျပ်နှင့် ရောင်းချရကြောင်း၊ တစ်နေ့ကို လေးပြည်ခန့် အနည်းဆုံး ရောင်းရကြောင်း သိရသည်။
“ဒီနှစ်မှာတော့ မိုင်းယောင်းမှာ တညင်းသီး အထွက်နည်းတဲ့နှစ်လေ၊ ဒါပေမဲ့ ကျွန်တော်တို့ခြံကတော့ ခါတိုင်းနှစ်တွေထက် ပိုထွက်တယ်လေ၊ သီးနှံပျက်စီးမှုလည်း နည်းပါတယ်။ ဒီဈေးနှုန်းအတိုင်းဆိုရင်တော့ ဒီနှစ်အဆင်ပြေနိုင်ပါတယ်”ဟု တပိုင်တနိုင် တညင်းသီးစိုက် တောင်သူတစ်ဦးက ပြောသည်။
စိုင်းအောင်ဇော်လင်း
https://t.me/MyanmarNationalPost
No comments:
Post a Comment