MNP ၊ ဇွန် ၂၀
အလွန့်အလွန်အားကောင်းသော ဆိုင်ကလုန်းမုန်တိုင်း တိုက်ခတ်မှုကြောင့် ရခိုင်ပြည်နယ် သဘာဝဘေးအန္တရာယ် ကျရောက်ခဲ့သည့် ဒေသများရှိဒေသခံများအား ကျန်းမာရေးဆိုင်ရာ စောင့်ရှောက်မှုများ ပေးနိုင်ရန်အတွက် မွန်ပြည်နယ်ပြည်သူ့ကျန်းမာရေးဦးစီးဌာနမှ ဆရာဝန်များ၊ဆေးမှူးများ၊ သူနာပြုများသည် ယမန်နေ့က ပေါက်တောမြို့နယ် ငဝက်စွယ်ကျေးရွာနှင့် ဟင်းခရော်ကျေးရွာများတွင် ကျန်းမာရေးစောင့်ရှောက်မှုများ ဆောင်ရွက်ပေးခဲ့ကြသည်။
အဆိုပါ ဆေးအဖွဲ့သည်ယနေ့တွင် အထက(ပေါက်တော)၌ ကျောင်းသား ကျောင်းသူများအား အဖျားရောဂါ၊ ဝမ်းရောဂါ၊သွားရောဂါ နှင့် အခြားအထွေထွေရောဂါတို့နှင့်ပတ်သက်၍ လိုအပ်သည့် ဆေးဝါးကုသမှုများ ဆောင်ရွက်ပေးခဲ့ကြောင်း၊ အဆိုပါ ကျန်းမာရေးစောင့်ရှောက်မှုလုပ်ငန်းများဆောင်ရွက်ရာတွင် ပေါက်တောမြို့နယ် ကျန်းမာရေးဦးစီးဌာနနှင့် ကြက်ခြေနီအသင်းတို့က ပူးပေါင်းပါဝင် ဆောင်ရွက်ပေးခဲ့ကြောင်း သိရသည်။
ဝင်းမင်းစိုး
https://t.me/MyanmarNationalPost
No comments:
Post a Comment