MNP ၊ ဇွန် ၂
ကချင်ပြည်နယ်အစိုးရအဖွဲ့က ကြီးမှူးကျင်းပသော(ပထမအကြိမ်) မဟာသမယအခါ တော်နေ့နှင့် သံဃဒါနဆွမ်းသပိတ် ဆွမ်းဆန်စိမ်းလောင်းလှူပွဲ အခမ်းအနားကို ယနေ့နံနက် ပိုင်းတွင် ကချင်ပြည်နယ်၊ ဝိုင်းမော်မြို့ရှိ ရဟန္တာတစ်ထောင်ရှင်ပင်မြတ်စွာဆုတောင်းပြည့် ရွှေမိုးတောင်စေတီတော်မြတ်ကြီး၌ ပြုလုပ်ရာ သံဃာတော်နှင့် သီလရှင် ၁၅၀၀ ပါး ကြွရောက်တော်မူကြပြီး ကချင်ပြည်နယ်ဝန်ကြီးချုပ် ဦးခက်ထိန်နန်၊ မြောက်ပိုင်းတိုင်းစစ်ဌာ နချုပ် တိုင်းမှူး ဗိုလ်ချုပ် ကိုကိုမောင်၊ ဌာနဆိုင်ရာ တာဝန်ရှိသူများနှင့် စေတနာအလှူရှင်များ တက်ရောက်ကြသည်။
ဦးစွာ နိုင်ငံတော်သံဃမဟာနာယက မြစ်ကြီးနားမြို့၊ ခေမာသီဝံကျောင်းတိုက် ဆရာတော် ဘဒ္ဒန္တ စန္ဒာဝရာဘိဝံသထံမှ ငါးပါးသီလခံယူ ဆောက်တည်ကြသည်။ ထို့နောက် မဟာသမယ အခါတော်နေ့ ကျင်းပရခြင်းနှင့်စပ်လျဉ်း၍ ပြည်နယ်အစိုးရအဖွဲ့ဝင် လူမှုရေးရာဝန်ကြီး ဦးဝင်းရဲထွန်း က လျှောက်ထားတင်ပြသည်။ ယင်းနောက် ဆရာတော်၊ သံဃာတော်များက ဦးဆောင်၍ မဟာသမယသုတ်ပါဋိတော်များ ရွတ်ပွားချီးမြှင့်ခြင်း၊ ဆရာတော်သံဃာတော်များနှင့် ဧည့်ပရိတ်သတ်များက အရပ်(၁၀)မျက်နှာဒိသာဖရဏ မေတ္တာပွားနည်းဖြင့် မေတ္တာပွားခြင်းများ ပြုလုပ်ခဲ့ကြရာ ကုသိုလ်ကောင်းမှု အစုစုတို့အတွက် ရေစက်သွန်းချ အမျှပေးဝေကြသည်။
ဆက်လက်၍ ဘုရားအမှူးရှိသော သံဃာတော်နှင့်သီလရှင် ၁၅၀၀ ပါးတို့အား ဝန်ကြီးချုပ်၊ တိုင်းမှူးနှင့် တက်ရောက်လာကြသူများက ဆွမ်းဆန်စိမ်းနှင့် လှူဖွယ်ပစ္စည်း များ လောင်းလှူပူဇော်ခဲ့ကြကြောင်း သတင်းရရှိသည်။
#MyanmarNationalPost
No comments:
Post a Comment