MNP ၊ မေ ၁
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့နယ်တွင် သာသနာရေးနှင့်ယဉ်ကျေးမှုဝန်ကြီးဌာန ကနှစ်စဉ်ကျင်းပမြဲဖြစ်သော ၂၀၂၃ ခုနှစ်၊နိကာယ်စာမေးပွဲကို ယနေ့မွန်းတည့် ၁၂ နာရီအချိန်မှစ၍ ဖောင်တော်ဦးစေတီတော်ရှိ မဟာဝိဇယဓမ္မာရုံတွင်ကျမ်းစာများအလိုက် စတင်ဖြေဆိုလျက်ရှိ ကြောင်းသိရ သည်။
ထိုသို့ဖြေဆိုလျက်ရှိရာတွင် ပါရာဇိကပါဠိဘာသာရပ်တွင် ဖြေဆိုရန်စာရင်းရှိ သံဃာ(၂၉)ပါးအနက် (၁၈)ပါးကည်းကောင်း ၊ ဧကက မှ စတုတ္ထနိပါတ ပါဠိဘာသာရပ်တွင် ဖြေဆိုသံဃာ(၁)ပါးကလည်းကောင်း ၊ ဓမ္မသင်္ဂဏီ ပါဠိ ဘသာရပ်တွင် ဖြေဆိုရန်စာရင်းရှိ သံဃာ(၄)ပါးအနက်(၄)ပါးဖြေဆိုခဲ့ပြီး စာဖြေသံဃာတော် များအဆင်ပြေစေရန်အတွက် ခရိုင်စီမံအုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင်နှင့်အဖွဲ့ဝင်များ ၊ မြို့နယ်စီမံ အုပ်ချုပ်ရေးအဖွဲ့ ဥက္ကဌ ဦးဇာနည်တိုး နှင့်အဖွဲ့ဝင်များ၊ ဌာနဆိုင်ရာများက ဆွမ်းဘောဇဉ်များကို လှူဒါန်းလျက် ရှိသည်။
နိကာယ်စာမေးပွဲသည် မြတ်ဗုဒ္ဓသာသနာတော်တည်တံ့ခိုင်မြဲရန်အတွက် ပရိယတ် ၊ ပဋိပတ် ၊ ပဋိဝေဒ ဆိုသည့် သာသနာတော်သုံးရပ်ကို မကွယ်မပျောက်အောင် ထိန်းသိမ်းစောင့်ရှောက်သည့်အနေဖြင့် မြတ်ဗုဒ္ဓ၏ ပညတ်တော် ဩဝါဒစာပေများကို သံဃာတော်များမှ ဖြေဆိုနေခြင်းဖြစ်ကြောင်းသိရသည်။
https://t.me/MyanmarNationalPost
No comments:
Post a Comment