MNP ၊ မေ ၃၁
ရခိုင်ပြည်နယ်၊မြောက်ဦးခရိုင်၊ မြောက်ဦးမြို့ဆိပ်ကမ်းတွင် ဆိုက်ကပ်ထားသော တပ်မတော် ကမ်းထိုးရေယာဉ်ပေါ်မှ ရခိုင်ပြည်နယ်အစိုးရအဖွဲ့၏ ကူညီထောက်ပံ့သော စားသောက်ကုန် ပစ္စည်းများနှင့် ကူညီကယ်ဆယ်ရေးပစ္စည်းများကို နယ်မြေခံတပ်မမှူး၊ ခရိုင်သဘာဝဘေး အန္တရာယ်ဆိုင်ရာစီမံခန့်ခွဲရေးအဖွဲ့ ဥက္ကဋ္ဌ ဦးကောင်းမြတ်နိုင် နှင့် တာဝန်ရှိသူများက စစ်ဆေး လက်ခံရယူခဲ့ပြီး မြို့တော်ခန်းမသို့ ပြောင်းရွှေ့ပေးခဲ့သည်။
ရှေးဦးစွာ နယ်မြေခံတပ်မမှူး ၊ ခရိုင်/မြို့နယ် သဘာဝဘေးအန္တရာယ်ဆိုင်ရာစီမံခန့်ခွဲရေးအဖွဲ့ ဥက္ကဋ္ဌနှင့် တာဝန်ရှိသူများက ရခိုင်ပြည်နယ်အစိုးရအဖွဲ့၏ သဘာဝဘေးပြန်လည်ထူထောင်ရေး ကော်မတီမှ ကူညီထောက်ပံ့သော သွပ်သံ(၁၁၆)ဖာ ၊ တာပေါ်လင်စ(၄၄) လိပ်၊ မိုးကာတဲ(၂၀) ပုံး၊ ခေါက်ဆွဲခြောက်(၄၀)ဖာ ၊ ဘေထုပ်(၃၄) ထုပ်၊ သွားတိုက်တံ(၁၁၅၀)ချောင်း၊ သွားတိုက်ဆေး 25gm (၃၀၀၀) ဘူး၊ သွားတိုက်ဆေး 75gm(၃၀၀၀) ဘူး ၊ ရေသန့်ဘူးကြီး (၄၅) ဘူး တို့ကို လေဘေးသင့်ပြည်သူများလက်ဝယ်သို့ အမြန်ရောက်ရှိစေရေး စနစ်တကျဆောင်ရွက်ရန်ပေါင်းစပ် ညှိနှိုင်း ဆောင်ရွက်လျက်ရှိသည်။
ထိုသို့ ပေါင်းစပ်ညှိနှိုင်းဆောင်ရွက်ပေးခြင်းကြောင့် လေဘေးသင့်ပြည်သူများအတွက် အမှန် တကယ် လိုအပ်လျက်ရှိသော သဘာဝဘေးကူညီထောက်ပံ့ရေးပစ္စည်းများကို လက်ဝယ်အရောက် ထိရောက်လျင်မြန်စွာ ကူညီထောက်ပံ့နိုင်မည်ဖြစ်ကြောင်း သိရသည်။
မြင့်စိုး
https://t.me/MyanmarNationalPost
No comments:
Post a Comment