MNP ၊ ဇွန် ၅
မန္တလေးတိုင်းဒေသကြီး၊ မိုးကုတ်မြို့နယ်တွင် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်အဖြစ် ဒုတိယအကြိမ် မိုးရာသီသစ်ပင်စိုက်ပျိုးပွဲတော်ကို ယနေ့နံနက် ၈ နာရီအချိန်က မိုးကုတ်မြို့၊ အားကစားကွင်း၌ သစ်ပင်(၃၅၀)ပင်တို့အား စုပေါင်းစိုက်ပျိုးခဲ့ကြောင်း သိရှိရသည်။
ရှေးဦးစွာ မိုးကုတ်မြို့နယ် အမှတ်(၃)စစ်ဗျူဟာမှူး ဗိုလ်မှူးကြီးဇင်မင်းထွန်းနှင့် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်မြင့်ကျော်တို့က သစ်ပင်စိုက်ပျိုးကြမည့် ဌာနဆိုင်ရာတာဝန်ရှိသူများ၊ လူမှုရေးအသင်းအဖွဲ့ဝင်များနှင့် ရပ်မိရပ်ဖများအား သစ်ပင်/ပျိုးပင်များကို ပေးအပ်ခဲ့သည်။
ဆက်လက်ပြီး အမှတ်(၃)စစ်ဗျူဟာမှူး ဗိုလ်မှူးကြီးဇင်မင်းထွန်းဦးဆောင်၍ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌနှင့် အဖွဲ့ဝင်များ၊ ဌာနဆိုင်ရာတာဝန်ရှိသူများ မြို့နယ်သစ်တောဦးစီးဌာနမှ ဝန်ထမ်းများ ၊ လူမှုရေးအသင်းအဖွဲ့ဝင်များ၊ ရပ်မိရပ်ဖများက ချယ်ရီပင်၊ ခါတော်မီပင်၊ စိန်ပန်းပြာပင်နှင့် ရေသင်းဝင်ပင် စုစုပေါင်း (၃၅၀)ပင်တို့အား စုပေါင်းစိုက်ပျိုးခဲ့ကြပြီး အဆိုပါ မိုးရာသီသစ်ပင်စိုက်ပျိးပွဲတော်သို့ စုပေါင်းပါဝင်စိုက်ပျိုးသူ(၁၆၈)ဦးခန့်ရှိကြောင်း မြို့နယ်သစ်တောဦးစီးဌာနမှ သိရှိရသည်။
ကြည်ကြည်နွဲ့
https://t.me/MyanmarNationalPost
No comments:
Post a Comment