MNP ၊ မေ ၁
ဒုတိယဗိုလ်ချုပ်ကြီး လူအေး နှင့် တာဝန်ရှိသူများသည် ခရိုင်/မြို့နယ် စီမံအုပ်ချုပ်ရေးအဖွဲ့၊ အဖွဲ့ဝင် များနှင့်အတူ ယနေ့ နံနက်ပိုင်းက ကျောက်ဖြူမြို့ရှိ အခြေခံပညာကျောင်းများနှင့် ကောလိပ်ကျောင်းများသို့ သွားရောက်ပြီး ကျောင်းများစတင်ဖွင့်လှစ်သင်ကြားနေမှုနှင့် ကျောင်းသား၊ကျောင်းသူများ အေးချမ်း ပျော်ရွှင်စွာဖြင့် ပညာသင်ယူနေမှုတို့အားကြည့်ရှု၍ ကျောင်းသား၊ကျောင်းသူများကို ရင်းရင်းနှီးနှီးတွေ့ဆုံ နှုတ်ဆက်ကာ အားပေးစကားများ ပြောကြားသည်။
“ကျောင်းနေအရွယ်ကလေးအားလုံး ပညာရေးမဝေးဖို့ ကျောင်းအမြန်အပ်နှံစို့” ဆောင်ပုဒ်နှင့်အညီ အခြေခံပညာဦးစီးဌာနက ၂၀၂၃-၂၀၂၄ ကျောင်းအပ်နှံရေး သီတင်းပတ်ကို မေလ ၂၅ ရက်နေ့မှ ၃၁ ရက်နေ့ အတွင်း ဆောင်ရွက်ခဲ့ပြီးဖြစ်ရာ ကျောက်ဖြူမြို့နယ်တွင် အခြေခံပညာကျောင်းပေါင်း ၂၄၆ ကျောင်း၊ ဘုန်းတော်ကြီး ပညာသင် ကျောင်း ၅ ကျောင်း၊ အလယ်တန်းလေ့ကျင့်ရေးကျောင်း ၁ ကျောင်း စုစုပေါင်း ၂၅၂ ကျောင်းရှိပြီး အဆိုပါကျောင်းများအားလုံး ဇွန်လ ၁ ရက်နေ့မှ စတင်၍ ဖွင့်လှစ်လျက်ရှိပြီး ၂၀၂၃-၂၀၂၄ ပညာသင်နှစ်တွင် ကျောင်းလာရောက်အပ်နှံသူ မူလတန်းအဆင့် ၁၅၃၂၆ ဦး၊ အလယ်တန်း အဆင့် ၇၂၃၀ ဦးနှင့် အထက်တန်းအဆင့် ၄၅၂၉ ဦး ပေါင်း ၂၇၀၈၅ ဦးအား ယနေ့ထိ လာရောက် အပ်နှံပြီးဖြစ်ကြောင်း သိရှိရသည်။
တင်ထွန်းဦး
https://t.me/MyanmarNationalPost
No comments:
Post a Comment