MNP ၊ ဇွန် ၁၀
ဧရာဝတီတိုင်းဒေသကြီး၊ ပုသိမ်မြို့တွင် ပုသိမ်ခရိုင်အမျိုးသမီးကော်မတီဝင်များအတွက် Gender, CEDAW, NSPAW နှင့်UNSCR 1325 အသိပညာပေးဆွေးနွေးပွဲကို ယနေ့နံနက်ပိုင်းက လူမှုဝန်ထမ်းရုံး အစည်းဝေးခန်းမတွင် ကျင်းပပြုလုပ်ခဲ့သည်။
အခမ်းအနားတွင် တိုင်းဒေသကြီး လူမှုဝန်ထမ်းဦးစီးဌာန၊ တိုင်းဦးစီးမှူး ဒေါ်မြမာလာစိုးက အမျိုးသမီးကော်မတီဖြစ်ပေါ်လာပုံ၊ Gender, CEDAW(အမျိုးသမီးများအပေါ်နည်းမျိုးစုံဖြင့် ခွဲခြားဆက်ဆံမှုပပျောက်ရေးသဘောတူစာချုပ်)ပါအကြောင်းအရာများအားလည်းကောင်း၊ NSPAW နှင့် UNSCR 1325 ပတ်သက်၍ ကုလသမဂ္ဂ၏လုံခြုံရေးကောင်စီဆုံးဖြတ်ချက်နှင့် ဆောင်ရွက်လျှက်ရှိနေသည့် အကြောင်းရင်းများကို အကျယ်တဝင့်ရှင်းလင်းဆွေးနွေးပြောကြားခဲ့သည်။
ထို့နောက် တိုင်းဒေသကြီးလူမှုဝန်ထမ်းဦးစီး ဌာန ဒုတိယတိုင်းဦးစီးမှူးက ဆွေးနွေးတင်ပြရာ အခမ်းအနားတက်ရောက်ကြသူများမှ အပြန်အလှန်ဆွေးနွေးခဲ့ကြကြောင်းနှင့် အခမ်းအနားသို့ တိုင်းဒေသကြီး လူမှုဝန်ထမ်းဦးစီးဌာန၊ တိုင်းဦးစီးမှူးဒေါ်မြမာလာစိုးနှင့် ခရိုင်အဆင့်အမျိုးသမီးကော်မတီဝင်များ၊ NGO အဖွဲ့များနှင့် ဖိတ်ကြားထားသူများ တက်ရောက်ခဲ့ကြကြောင်း သတင်းရရှိသည်။
မြင့်ဟန်
https://t.me/MyanmarNationalPost
No comments:
Post a Comment