MNP ၊ ဇွန် ၁၄
နေပြည်တော်အနီးဝန်းကျင် မြို့နယ်များတွင် တည်ငြိမ်အေးချမ်းလျက်ရှိသော်လည်း လယ်ဝေးမြို့တွင် ဖောက်ခွဲမှုများ မကြာခဏ ဖြစ်ပေါ်နေခြင်းမှာ CRPH, NUG အကြမ်းဖက်အဖွဲ့များကို ဖွဲ့စည်းထားသည့် NLD ပါတီမှ အမျိုးသားလွှတ်တော်ကိုယ်စားလှယ်ဟောင်း ကျော်မြင့်ဦး ၏ လက်ချက်ဖြစ်နိုင်ကြောင်း မြို့ခံများက သုံးသပ်ပြောဆိုသည်။
မြို့ခံတစ်ဦး က "သူတို့တွေက ကိုယ့်မြို့ကိုယ့်ရွာကိုပဲ ဖျက်ဆီးကြတာလေ။ ရစခန်းကို ဗုံးပစ်တဲ့ကောင်ဟာ အောင်းကြီးကုန်းရွာသား ဆိုတော့ ကျော်မြင့်ဦး ရဲ့ မိန်းမကလည်း အောင်းကြီးကုန်းရွာသားပဲ။ ဆက်စပ်ကြည့်ရင်တော့ ကျော်မြင့်ဦးရဲ့ လက်ချက်ဆိုတာ တွက်လို့ရတယ်" ဟု ပြောသည်။
ကျော်မြင့်ဦး သည် သူ၏ Facebook စာမျက်နှာတွင် ဖော်ပြထားချက်များအရ CRPH, NUG အကြမ်းဖက်အဖွဲ့တွင် ပါဝင်လှုပ်ရှားနေသူဖြစ်ပြီး ၂၀၂၁ခုနှစ်၊ စက်တင်ဘာ ၇ ရက်နေ့ D Day ကြေညာ၍ အကြမ်းဖက်လှုပ်ရှားမှုများ အရှိန်မြှင့်တင်ဆောင်ရွက်ရန် လှုံ့ဆော်စဉ်က နောက်ဆုံးလှုံ့ဆော်ရေးသားထားသည်ကို တွေ့ရပြီး နောက်ပိုင်းတွင် လှုံ့ဆော်ရေးသားမှုများ မတွေ့ရပေ။
နေပြည်တော် လယ်ဝေးမြို့တွင် ဖောက်ခွဲမှုများ မကြာခဏဖြစ်ပေါ်ခဲ့ပြီး ၁၂-၆-၂၀၂၃ ရက်နေ့က ရဲစခန်းကို ဗုံးပစ်တိုက်ခိုက်ခဲ့ရာ ရဲတပ်ဖွဲ့ဝင် ၃ဦး နှင့် အရပ်သားပြည်သူတစ်ဦး ကို ထိခိုက်ခဲ့ပြီး ရဲတပ်ဖွဲ့ဝင် တစ်ဦး သေဆုံးခဲ့ရသည်။
#MyanmarNationalPost
No comments:
Post a Comment