MNP ၊ ဇွန် ၂၅
ပေါင်းတည်မြို့နယ်၊ လက်ပံခုံရွာအနီး ဝဲကြီးဆည်ဘက်တွင် ဇွန်လ ၂၄ ရက်၊ နေ့လည် ၂ နာရီခန့်က နယ်မြေရှင်းလင်းရာ ပြည်ဖျက်မိစ္ဆာ NUG(NLD) အကြမ်းဖက်အဖွဲ့၏ လက်ပါးစေ PDF အကြမ်းဖက်စခန်းတစ်ခုအားတွေ့ရှိသဖြင့် ရှင်းလင်းဖယ်ရှားပေးခဲ့ရကြောင်း သိရသည်။
အဆိုပါ အကြမ်းဖက်စခန်းမှ PDF အကြမ်းဖက်သမားများကို အရှင်ဖမ်းဆီးရမိထားပြီး ၁၂ ဗို့/ တူမီးသေနတ် ၉ လက်၊ သံပိုက်ဖြင့်ပြုလုပ်ထားသော မိုင်း ၁၀ လုံး၊ စကားပြောစက် ၂ လုံး၊ ဆိုင်ကယ် ၃ စီး၊ အထိုင်ဖုန်း ၁ လုံး၊ ခဲဖူး/ ယမ်း ၅ ဗူး၊ ဆန် ၃ အိတ်၊ ဆီ ၃ ပိဿာ၊ ဆက်စပ်ပစ္စည်းများ၊ လူနေတဲ ၄ လုံး တို့အား သိမ်းပိုက်ရရှိခဲ့ပြီး ပြည်ဖျက်မိစ္ဆာ NUG(NLD) အကြမ်းဖက်အဖွဲ့၏ လက်ပါးစေ PDF အကြမ်းဖက်သမားများအား စစ်ဆေးမေးမြန်း၍ ဆက်စပ် အကြမ်းဖက်သမားများကို ဖော်ထုတ်လျက်ရှိကြောင်း သိရသည်။
#MyanmarNationalPost
No comments:
Post a Comment