MNP ၊ ဇွန် ၂၇
မကွေးတိုင်းဒေသကြီး၊ ဂန့်ဂေါမြို့နယ်၊ ကုက္ကားကျေးရွာနေသူများဖြစ်ကြသော ဦးတင်ဦး (၆၃ နှစ်)တောင်သူ နှင့် ဦးသန်းဝင်း( ၅၀ နှစ်)တောင်သူ တို့ ညီအစ်ကိုနှစ်ဦးသည် ယမန်နေ့ မွန်းလွဲ ၁ နာရီခွဲအချိန်ခန့်က ရွာအနောက်ဖက် ၃ မိုင်ခန့်အကွာ လယ်ကွင်းသို့ ထယ်ထိုးသွားစဉ် NUG(NLD) အကြမ်းဖက်အဖွဲ့၏ လက်ပါးစေ PDF အကြမ်းဖက်များက ဖမ်းဆီးခေါ်ဆောင်သွားပြီး သေနတ်ဖြင့် ပစ်သတ်ခဲ့ကြောင်း သိရသည်။
ဟံသာဝတီနှင့် ကုက္ကားပြည်သူ့စစ်များ ပူးပေါင်းကာ အလောင်းသွားရောက်ကောက်ယူပြီး ယနေ့တွင် မိသားစုများနှင့်အတူ သုဿန်သို့ပို့ဆောင် သင်္ဂြိုလ်ခဲ့ကြောင်း၊ ၎င်းညီအစ်ကိုနှစ်ဦးသည် ပြည်ခိုင်ဖြိုးပါတီဝင်များဖြစ်သလို ပါတီအောင်နိုင်ရေးအတွက် ကြိုးပမ်းဆောင်သူပါတီဝင်များဖြစ်ကြောင်း၊ ပြည်သူ့စစ်အဖွဲ့ဝင် ဦးညီထွေး ၏ အကိုများဖြစ်ကြကြောင်း၊ ကုက္ကားကျေးရွာသည် ပြည်သူ့စစ်အားကောင်းသောရွာဖြစ်သော်လည်း လက်နက်များ ထပ်မံဖြည့်ဆည်း တပ်ဆင်ပေးရန် လိုအပ်နေသေးကြောင်း၊ NUG(NLD) အကြမ်းဖက်အဖွဲ့၏ လက်ပါးစေ PDF အကြမ်းဖက်များက ကျေးရွာ အဝင်၊ အထွက် လမ်းများတွင် ပိတ်စို့ထားခြင်းကြောင့် ရွာသူ/ရွာသားများ စားနပ်ရိက္ခာ ဝယ်ယူရန် အခက်အခဲရှိနေသော ကျေးရွာဖြစ်ကြောင်း သိရသည်။
#MyanmarNationalPost
No comments:
Post a Comment