MNP ၊ မေ ၃၁
မွန်ပြည်နယ်၊ ပေါင်မြို့နယ်တွင် Table Top Exercise ဆွေးနွေးပွဲကျင်းပပြုလုပ်ခြင်းကိုယမန်နေ့ ညနေပိုင်းက မြို့နယ်မီးသတ်ဦးစီဌာနအစည်းအဝေးခန်းမ၌ကျင်းပပြုလုပ်ခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးထင်လင်းအောင်က ပေါင်မြို့နယ်အတွင်းသဘာဝဘေးဖြစ်ပွားလာပါက ချက်ချင်းတုံ့ပြန်ဆောင်ရွက်နိုင်ရေးအတွက် Table Top Exercise ကိုပြုလုပ်ရခြင်းဖြစ်ကြောင်း ၊ပရဟိတအဖွဲ့ဝင်များအနေဖြင့်အတူတကွ ပူးပေါင်းဆောင်ရွက်ပေးကြစေလိုကြောင်း၊အခြားဌာနဆိုင်ရာများကလည်း မိမိတို့တာဝန်အရလုပ်ရမည့် တာဝန်များကိုလည်းအချိန်မီဆောင်ရွက်သွားကြဖို့လိုအပ်ပါကြောင်းဆွေးနွေးသည်။
ဆက်လက်၍ မြို့နယ်စီမံအုပ်ချုပ်ရေး အဖွဲ့အတွင်းရေးမှူး ရဲမှူးသံမရောင် က သဘာဝဘေးအန္တရာယ်ကျရောက်လာပါက ရဲတပ်ဖွဲ့ဝင်များအနေဖြင့် ကယ်ဆယ်ရေးလုပ်ငန်းများကိုလည်းအချိန်မီ ပူးပေါင်းဆောင်ရွက်ပေးကြဖို့အဆင်သင့်ရှိနေကြောင်းအမှာစကားပြောကြားသည်။
ထို့နောက် မီးသတ်ဦးစီးဌာနမှဦးစီးအရာရှိ ဦးမြတ်ကိုကို ကမိမိတို့မီးသတ်ဦးစီးဌာနအနေဖြင့် သဘာဝဘေးဖြစ်ပေါ်လာပါက မြို့နယ်အတွင်းရှိ မီးသတ်စခန်းအားလုံးကို အချိန်မီကယ်ဆယ်ရေးလုပ်ငန်းများ အချိန်နှင့်တပြေးညီဆောင်ရွက်သွားမည်ဖြစ်ကြောင်း ဆွေးနွေးသည်။
အခမ်းအနားကို မြို့နယ်အတွင်းရှိ သဘာဝဘေးအန္တရာယ်ဆိုင်ရာ ကော်မတီဝင်များ၊ ပရဟိတအဖွဲ့ဝင်များ၊ကြက်ခြေနီတပ်ဖွဲ့ဝင်များနှင့် သက်ဆိုင်ရာတာဝန်ရှိသူများကဆောင်ရွက်သွားမည့်လုပ်ငန်းများကို အပြန်အလှန်ဆွေးနွေးခဲ့ကြောင်းသိရသည်။
https://t.me/MyanmarNationalPost
No comments:
Post a Comment