MNP ၊ ဇွန် ၂
မွန်ပြည်နယ်၊ ကျိုက်ထိုမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာနခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် သထုံခရိုင်ပတ်ဝန်းကျင်ထိန်းသိမ်းရေးဦးစီးဌာနတို့ ပူးပေါင်းပြီးဇွန်(၂)ရက်နေ့ နံနက်(၉)နာရီကကမ္ဘာ့ပတ်ဝန်းကျင်ထိန်းသိမ်းရေးနေ့အထိမ်းအမှတ် "ပလတ်စတစ်ညစ်ညမ်းမှုတိုက်ဖျက်ဖို့ပူးပေါင်းဖြေရှင်းဆောင်ရွက်စို့" အသိပညာပေး Talk Show ဆွေးနွေးပွဲကိုကျင်းပ ပြုလုပ်ခဲ့သည်။
ဆွေးနွေးပွဲတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိဒေါ်သန်းသန်းမော်က ကမ္ဘာ့ပတ်ဝန်းကျင်းထိန်းသိမ်းနေ့အထိမ်းအမှတ်ကိုကြို ဆိုဂုဏ်ပြု သောအားဖြင့် ပလတ်စတစ်ညစ်ညမ်းမှုကို တိုက်ဖျက်ရာတွင် ပြည်သူများပူးပေါင်းဖြေရှင်းဆောင်ရွက် နိုင် စေမည့်နည်းလမ်းများကိုသိရှိစေရန် ရည်ရွယ်ပြီး Talk Show အစီအစဉ် ကျင်းပပြုလုပ်ရခြင်းဖြစ်ကြောင်းရှင်းလင်း ပြောကြားခဲ့သည်။
ထို့နောက် သထုံခရိုင်ပတ်ဝန်းကျင်ထိန်းသိမ်းရေးဦးစီးဌာနမှဦးစီးအရာရှိဒေါ်သီတာငြိမ်းက ကမ္ဘာ့ပတ်ဝန်းကျင်ထိန်းသိမ်းရေးနေ့ဖြစ်ပေါ်လာပုံ၊ကမ္ဘာ့ပတ်ဝန်းကျင်ထိန်းသိမ်းရေးနေ့၏ဆောင်ပုဒ်ကိုလည်းကောင်း၊ဒုတိယဦးစီးမှူးဒေါ်ဖြိုးမို့အောင်က ပလတ်စတစ်သုံးစွဲမှုလျှော့ချရေးအတွက် ပြည်သူများအနေဖြင့်ဆောင်ရွက်နိုင်မှုအခြေနေ၊ပလတ်စတစ်၏ကောင်းကျိုးဆိုးကျိုးများ၊ပလတ်စတစ်ကိုစတင်တွေ့ရှိအသုံးပြုလာရတဲ့အကြောင်းရင်းစသည်တို့ကိုအကျယ် တဝင့် ရှင်းလင်းဆွေးနွေး ခဲ့ ကြောင်းသိရသည်။
ကျိုက်ထိုမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ယခုလိုအသိပညာပေးဆွေးနွေးပွဲ Talk Show အစီအစဉ်များရိုက်ကူးထုတ်လွှင့်ခြင်းအပါအဝင် ပြည်သူအသိပညာပေးဝန်ဆောင်မှုလုပ်ငန်းများကိုစဉ်ဆက်မပြတ် ဆောင်ရွက်လျှက်ရှိကြောင်း သိရသည်။
https://t.me/MyanmarNationalPost
No comments:
Post a Comment