MNP ၊ ဇွန် ၂၀
မွန်ပြည်နယ်၊ ကျိုက်ထိုမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာနခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်ရဲတပ်ဖွဲ့တို့ ပူးပေါင်းပြီးဇွန်(၂၀)ရက်နေ့ နံနက်(၁၁)နာရီကအပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့်တရားမဝင် ရောင်းဝယ်မှု တိုက်ဖျက်ရေးနေ့ အထိမ်း အမှတ် အသိပညာပေး Talk Show ဆွေးနွေးပွဲကိုကျင်းပ ပြုလုပ်ခဲ့သည်။
ဆွေးနွေးပွဲတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိဒေါ်သန်းသန်းမော်က မူးယစ်ဆေးဝါး အန္တရာယ်ကို ကာကွယ်နိုင်မည့်နည်းလမ်းတွေကိုလူငယ်လူရွယ်များနှင့် ပြည်သူများသိရှိစေရန် ရည်ရွယ်၍ Talk Show အစီအစဉ် ကျင်းပပြုလုပ်ရခြင်းဖြစ်ကြောင်းရှင်းလင်း ပြောကြားခဲ့သည်။
ထို့နောက် မြိုနယ်ရဲတပ်ဖွဲ့မှ ရဲအုပ်မျိုးသူလတ်က မူးယစ်ဆေးဝါးအကြောင်း၊မူးယစ်ဆေးဝါးသုံးစွဲရခြင်း၏အကြောင်းရင်း၊မူးယစ်ဆေးဝါးသုံးစွဲသူများ၏လက္ခဏာများ၊မူးယစ်ဆေးဝါးသုံးစွဲခြင်းကြောင့်ရရှိနိုင်မည့်ဆိုးကျိုးများ၊လူငယ်လူရွယ်များအနေဖြင့်မူးယစ်ဆေးဝါးအန္တရာယ်ကနေကာကွယ်နိုင်ဖြိုရှောင်ကြဉ်ရမည့်နည်းလမ်းများစသည်တို့ကိုအကျယ် တဝင့် ရှင်းလင်းဆွေးနွေး ခဲ့ ကြောင်းသိရသည်။
ကျိုက်ထိုမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ယခုလိုအသိပညာပေးဆွေးနွေးပွဲ Talk Show အစီအစဉ်များရိုက်ကူးထုတ်လွှင့်ခြင်းအပါအဝင် ပြည်သူအသိပညာပေးဝန်ဆောင်မှုလုပ်ငန်းများကိုစဉ်ဆက်မပြတ် ဆောင်ရွက်လျှက်ရှိကြောင်း သိရသည်။
https://t.me/MyanmarNationalPost
No comments:
Post a Comment