MNP ၊ ဇွန် ၁၆
ရခိုင်ပြည်နယ်၊ မောင်တောမြို့၌ လူငယ်နှင့်မူးယစ်ဆေးဝါးအန္တရာယ် ကာကွယ်နိုင်ရေးအတွက် အသိပညာပေး Talk Show ကို ယနေ့ နံနက် ၁၀ နာရီအချိန် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊မောင်တောခရိုင်ရုံး Community Center ခန်းမ တွင် ကျင်းပ ပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မောင်တောခရိုင်ရုံးမှ လက်ထောက်ညွန်ကြားရေးမှူး (တာဝန်ပေး) ဦးမြင့်ခိုင် နှင့် ဦးစီးအရာရှိ ဒေါ်အေးမြသန်းတို့က လူငယ်နှင့်မူးယစ်ဆေးဝါးအန္တရာယ် ကာကွယ်နိုင်ရေး အတွက် ကျောင်းသားလူငယ်များသိရှိလိုက်နာသင့်သည့် အချက်များ ၊ မူးယစ်ဆေးဝါးအား ရှောင်ရှားသင့်ပုံများ ၊ အမျိုးသား မူးယစ်ဆေးဝါးထိန်းချုပ်ရေး မူဝါဒများ ၊ မူးယစ်ဆေးဝါးသုံးစွဲရခြင်း၏ အကြောင်းများ ၊ သက်ဆိုင်ရာမှ ထိထိ ရောက်ရောက် ရှာဖွေဖော်ထုတ်ဖမ်းဆီးမှုများ ၊ မူးယစ်ဆေးဝါး အန္တရာယ်ကို အမျိုးသားရေး အသွင်တိုက်ဖျက်ရေး နှင့် မူးယစ်ဆေးဝါး ၏ ဆိုးကျိုး စသည့်တို့ကို အကျယ်တဝင့် အသိပညာပေး ရှင်းလင်း ဆွေးနွေးခဲ့ကြကြောင်းသိရသည်။
သက်လွင်စိုး ၊ အောင်ကျော်စိန်
https://t.me/MyanmarNationalPost
No comments:
Post a Comment