MNP ၊ ဇွန် ၂၆
မကွေးတိုင်းဒေသကြီး၊ တောင်တွင်းကြီးမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ပြည်သူ့စာကြည့်တိုက်တွင် “ကမ္ဘာအအေးပေးပစ္စည်းများနေ့”အထိမ်းအမှတ်အဖြစ် "အအေးပေးနည်းပညာ စဉ်ဆက်မပြတ်တိုးတက်ဖို့ ပူးပေါင်းလက်တွဲဆောင်ရွက်စို့" အသိပညာပေးဆွေးနွေးပွဲ (Talk Show)ကို ယနေ့နံနက် (၁၁)နာရီက ကျင်းပပြုလုပ်ခဲ့ကြောင်း သိရသည်။
အဆိုပါဆွေးနွေးပွဲတွင် ပတ်ဝန်းကျင်ထိန်းသိမ်းရေးဦးစီးဌာန မြို့နယ်တာဝန်ခံ ဦးစည်သူအောင်နှင့် မြို့နယ်ပြန်/ဆက်ဦးစီးမှူး ဒေါ်အေးမိုးမိုးမြင့်တို့က ကမ္ဘာ့အအေးပေးပစ္စည်းများနေ့ဖြစ်ပေါ်လာပုံ၊ ကမ္ဘာ့အအေးပေးပစ္စည်းများနေ့ စတင်ကျင်းပခဲ့မှုများနှင့် အခမ်းအနားကျင်းပရခြင်း ရည်ရွယ်ချက်များ၊ အအေးပေးပစ္စည်းအဓိပ္ပါယ်၊ အအေးပေးပစ္စည်းအမျိုးအစားများ၊ အအေးပေးဒြပ်ပစ္စည်း အသုံးပြုပုံများ၊ ကမ္ဘာ့အအေးပေးပစ္စည်းများနေ့အထိမ်းအမှတ်ဆောင်ပုဒ်များအကြောင်း၊ အအေးပေးပစ္စည်းများအား အကျိုးရှိစွာ အသုံးပြုရန် အကြံပြုချက်များနှင့်ပတ်သက်၍ ဆွေးနွေးခဲ့ကြောင်း သိရသည်။
အဆိုပါ အသိပညာပေးဆွေးနွေးပွဲ (Talk Show)ကို ပြည်သူများ ကမ္ဘာ့အအေးပေးပစ္စည်းများနှင့်ပတ်သက်၍ အသိပညာဗဟုသုတရရှိစေရန်အတွက် တောင်တွင်းကြီးမြို့နယ် ပြည်သူ့စာကြည့်တိုက် page တွင် ထုတ်လွှင့်တင်ဆက်ပေးသွားမည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment