ပုဏ္ဏားကျွန်းမြို့၊အမှတ်(၂) အခြေခံပညာမူလတန်းလွန်ကျောင်း၌ ကျောင်းသား၊ ကျောင်းသူများအား ကိုဗစ်-၁၉ ရောဂါ ကာကွယ် ဆေး ထိုးနှံပေးနေမှုတို့ကို ဗိုလ်မှူးချုပ်ဝင်းမောင်နှင့်တာဝန်ရှိသူများ လာရောက်ကြည့်ရှုအားပေး

MNP ၊   ဇူလိုင် ၃

 ရခိုင်ပြည်နယ်၊ ပုဏ္ဏားကျွန်းမြို့နယ်အတွင်း ကျောင်းအခြေပြု အသက် (၅)နှစ်မှ ၁၁ နှစ် အတွင်းရှိ ကျောင်းသား၊ ကျောင်းသူများအား ကိုဗစ်-၁၉ ကာကွယ်ဆေး ပထမအကြိမ်အဖြစ် စတင်ထိုးနှံပေးလျက်ရှိရာ ယနေ့၊ နေ့လယ်ပိုင်းတွင် ပုဏ္ဏားကျွန်းမြို့၊ အမှတ်(၂)အခြေခံပညာ မူလတန်းလွန်းကျောင်း၌ ကျောင်းသား၊ ကျောင်းသူများအား ကိုဗစ်-၁၉ ရောဂါကာကွယ်ဆေး ထိုးနှံပေးနေမှုတို့ကို ပုဏ္ဏားကျွန်းမြို့နယ်၏ ပြန်လည်ထူထောင်ရေးလုပ်ငန်းတာဝန်ခံ ဗိုလ်မှူးချုပ် ဝင်းမောင်နှင့်တာဝန်ရှိသူများ လာရောက်ကြည့်ရှုအားပေးခဲ့ကြသည်။

  အဆိုပါ ကာကွယ်ဆေးထိုးနှံခြင်းကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမောင်စံဝင်း နှင့်အဖွဲ့ဝင်များကြီးကြပ်ပြီး၊ ကျောင်းနေအရွယ်ကလေးများ ကျန်းမာပျော်ရွှင်စွာဖြင့် ပညာသင်ကြားနိုင်ရေးအတွက် မြို့နယ်ကျန်းမာရေးနှင့်ကုသရေးဦးစီးဌာနက ကျန်းမာရေး သူနာပြုဆရာမတို့က မိဘအုပ်ထိန်းသူတို့၏ ခွင့်ပြုချက်ဖြင့် ကာကွယ်ဆေးထိုးနှံခြင်းမပြုမီ ကျန်းမာရေးစစ်ဆေးမှုများဆောင်ရွက်ပေးပြီး၊ ကျန်းမာရေးဝန်ကြီးဌာနမှ ထုတ်ပြန်ထားသည့် ကိုဗစ်-၁၉ ကာကွယ်ရေးလမ်းညွှန်ချက်များနှင့်အညီထိုးနှံပေးခဲ့ကြသည်။

  ထိုသို့ ကာကွယ်ဆေးထိုးနှံပေးနေမှုတို့ကို ဗိုလ်မှူးချုပ်ဝင်းမောင်နှင့်တာဝန်ရှိသူများ လာရောက်ကြည့်ရှုအားပေးကာ လိုအပ်သည်များကို တာဝန်ရှိသူများနှင့်ပေါင်းစပ်ညှိနှိုင်း ဆောင်ရွက်ပေးပြီး၊ ကျောင်းသား၊ ကျောင်းသူ ကလေးငယ်များကို အာဟာရနို့မုန့်ခြောက်များ ဝေငှပေးခဲ့ကြောင်းသိရသည်။

နီထွန်းအောင်

 https://t.me/MyanmarNationalPost