MNP ၊ ဇူလိုင် ၂၀
ဧရာဝတီတိုင်းဒေသကြီး၊ ဟင်္သာတခရိုင် ဟင်္သာတမြို့၊ ဥယျာဉ်မြောက်ရပ်ကွက်၊ လမ်းမတော်လမ်းရှိ အမှတ်(၁)အခြေခံပညာအထက်တန်းကျောင်း၊ ဟင်္သာခန်းမ၌ ယာဥ်စည်းကမ်း၊ လမ်းစည်းကမ်း အသိပညာပေးဟောပြောပွဲကို ယမန်နေ့က ကျင်းပပြုလုပ်ခဲ့သည်။
ဟောပြောပွဲအခမ်းအနားတွင် ကျောင်းအုပ်ဆရာမကြီး ဒေါ်လဲ့လဲ့ခိုင်မှ အဖွင့်အမှာစကား ပြောကြားခဲ့ပြီးနောက် ဒုရဲမှူးသက်နိုင်ဦးမှ ယာဥ်စည်းကမ်း၊ လမ်းစည်းကမ်းဆိုင်ရာ သိမှတ်ဖွယ်ရာများ ခေါင်းစဥ်ဖြင့် လည်းကောင်း၊ ဦးဝေဇင်လတ်မှ ယာဥ်မောင်းလိုင်စင် လျှောက်ထားရယူမှုဆိုင်ရာ သိမှတ်ဖွယ်ရာများ ခေါင်းစဥ်ဖြင့်လည်းကောင်း၊ ဦကျော်ဇေယျာထွန်းမှ မော်တော်ယာဥ် မှတ်ပုံတင်ခြင်းဆိုင်ရာ သိမှတ်ဖွယ်ရာများ ခေါင်းစဉ်တို့ဖြင့် ဟောပြောခဲ့ကြပြီး ကျောင်းအုပ်ဆရာမကြီး ဒေါ်လဲ့လဲ့ခိုင်မှ ကျေးဇူးတင်စကား ပြန်လည်ပြောကြားခဲ့သည်။
အဆိုပါ ဟောပြောပွဲသို့ အမှတ်(၈၄) ယာဥ်ထိန်းရဲတပ်ဖွဲ့စု(ဟင်္သာတ)မှ တပ်ဖွဲ့စုမှူး ဒုရဲမှူး သက်နိုင်ဦး၊ ဟင်္သာတခရိုင် ကုန်းလမ်းပို့ဆောင်ရေးညွှန်ကြားမှုဦးစီးဌာနမှ ဦးဝေဇင်လတ် (စစ်ဆေးရေးမှူး-၂)၊ ဦးကျော်ဇေယျာထွန်း (စစ်ဆေးရေးမှူး-၃)၊ အမှတ်(၁) အခြေခံပညာ အထက်တန်းကျောင်း ကျောင်းအုပ်ဆရာမကြီး ဒေါ်လဲ့လဲ့ခိုင်နှင့် ဆရာ/ဆရာမများ၊ ကျောင်းသား/သူများ စုစုပေါင်းအင်အား (၅၀၀)ဦးတက်ရောက်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment