MNP ၊ ဇူလိုင် ၂၇
ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ဒဂုံမြို့သစ်(အရှေ့ပိုင်း)မြို့နယ်တွင်အသက် ၈၅နှစ် အထက်ရှိဘိုးဘွား (၄၁၈) ဦးအတွက် လူမှုရေးပင်စင်များ ထောက်ပံ့ခြင်းကို မြို့နယ်၌ ရပ်ကွက်၊ ကျေးရွာများအတွင်းရှိ အဘိုးအဘွားများထံ အိမ်တိုင်ရာရောက် ယနေ့နံနက်ပိုင်း(၉)နာရီအချိန်က သွားရောက်ထောက်ပံ့ကြကြောင်း သိရသည်။
အဆိုပါအသက် (၈၅)နှစ်အထက် အဘိုး၊ အဘွားများ လူမှုရေးပင်စင်များ ထောက်ပံ့ပေးအပ်ရာတွင် မြို့နယ်စီမံအုပ်ချုပ်ရေးအဖွဲ့စီစဉ်ကြီးကြပ်မှုဖြင့် သက်ဆိုင်ရာရပ်ကွက်၊ ကျေးရွာအုပ်ချုပ်ရေးမှူးများက အိမ်တိုင်ရာရောက် အဘိုးအဘွားများထံ သွားရောက်ထောက်ပံ့ပေးခြင်းဖြစ်ရာ ထိုသို့ထောက်ပံ့ရာတွင် ၂၀၂၃-၂၀၂၄ ဘဏ္ဍာနှစ်ပထမသုံးလပတ်(ဧပြီ၊ မေ၊ ဇွန်)လများအတွက် အဘိုး၊ အဘွားတစ်ဦးကို တစ်လလျှင် ကျပ်တစ်သောင်းနှုန်းဖြင့် (၃)လစာကျပ် သုံးသောင်းတိတိကို ထောက်ပံ့ပေးအပ်ခြင်းဖြစ်သည်။
ဒဂုံမြို့သစ်(အရှေ့ပိုင်း) မြို့နယ်တစ်မြို့နယ်လုံးရှိ ရပ်ကွက်၊ ကျေးရွာ(၃၆)အုပ်စုမှ အသက်(၈၅)နှစ်အထက် အဘိုး/ အဘွား(၄၁၈)ဦးအတွက် လူမှုရေးပင်စင်ငွေကျပ် (၁၂၅၄၀၀၀၀)ကျပ် ထောက်ပံ့ခြင်းဖြစ်ကြောင်း သတင်းရရှိသည်။
ဇွဲမင်းထက်
https://t.me/MyanmarNationalPost
No comments:
Post a Comment