MNP ၊ ဇူလိုင် ၁၅
ရှမ်းပြည်နယ်(မြောက်ပိုင်း)၊ လားရှိုးမြို့၊ အမှတ် (၂)ရပ်ကွက်၊ မြို့မဈေးကြီးအတွင်းရှိ ဇွဲထက်ရွှေဆိုင်ရှေ့တွင် ယနေ့ နံနက် ၇ နာရီ ၄၅ မိနစ်ချိန်ခန့်တွင် PDF အကြမ်းဖက်သမား ၂ ဦးက ဆိုင်ကယ်ဖြင့် လာရောက်၍ ဆိုင်ကယ်ကို ရပ်ထားခဲ့ပြီး အခြားတစ်နေရာသို့ ထွက်ခွာသွားခဲ့ကြောင်း၊ ဆိုင်လုံခြုံရေးဝန်ထမ်းများက လိုက်လံရှာဖွေရာ မတွေ့ရှိသည့်အတွက် မြို့မဈေးရှိ ဆိုင်ကယ်အပ်နှံရာနေရာသို့ သွားရောက်သတင်းပို့စဉ် အကြမ်းဖက်သမားများ ရပ်ထားခဲ့သောဆိုင်ကယ်မှ ပေါက်ကွဲမှု ဖြစ်ပွားခဲ့ခြင်းဖြစ်ကြောင်း သိရပါသည်။
PDF အကြမ်းဖက်သမားများ၏ ဖောက်ခွဲတိုက်ခိုက်မှုဖြစ်စဉ်အတွင်း အမျိုးသား ၆ ဦး၊ အမျိုးသမီး ၆ ဦး ဒဏ်ရာရရှိခဲ့ပြီး ၎င်းတို့အနက် အမျိုးသား ၂ ဦးမှာ စိုးရိမ်ရဒဏ်ရာရရှိခဲ့ကြောင်း သိရသည်။
PDF အကြမ်းဖက်သမားများအနေဖြင့် ပြည်ပြေး ဝရမ်းပြေး NUG အကြမ်းဖက်အဖွဲ့၏ သွေးထိုးလှုံ့ဆော်မှုများနောက်တွင် လိုက်ပါဆောင်ရွက်လျက်ရှိပြီး အပြစ်မဲ့ ပြည်သူများကို ပစ်မှတ်ထား၍ တိုက်ခိုက်မှုများ စဉ်ဆက်မပြတ် လုပ်ဆောင်လျက်ရှိသည်။
#MyanmarNationalPost
No comments:
Post a Comment