MNP ၊ ဩဂုတ် ၂
ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မမြို့နယ်၊ မင်းလံကစကဲကျေးရွာအုပ်စု၊ ကျေးရွာရှိ ကစကဲစိုက်ပျိုးမွေးမြူရေးနှင့် အသက်မွေးမှုအတတ်သင်စခန်းတွင် ပြစ်ဒဏ်ကျခံလျက်ရှိသော အကျဉ်းသား (၂၂)ဦးအား ယမန်နေ့ မွန်းလွဲ ၁ နာရီခွဲအချိန်မှစ၍ လွတ်ငြိမ်းချမ်းသားခွင့်ပြုခဲ့ကြောင်း သိရသည်။
ဝါးခယ်မမြို့နယ်၊ မင်းလံကစကဲကျေးရွာအုပ်စု၊ ကျေးရွာရှိ ကစကဲစိုက်ပျိုးမွေးမြူရေးနှင့် အသက်မွေးမှုအတတ်သင်စခန်းတွင် ပြစ်ဒဏ်ကျခံလျက်ရှိသော အကျဉ်းသား(၁၅၇)ဦးအနက် ရာဇသတ်ကြီးဥပဒေဖြင့် ပြစ်ဒဏ်ကျခံနေသူ(၂၁)ဦး၊ ရဲစည်းကမ်းထိန်းသိမ်းရေးဥပဒေဖြင့် ပြစ်ဒဏ်ကျခံနေသူ(၁)ဦး၊ စုစုပေါင်း(၂၂)ဦးအား မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးစွမ်းထက်နှင့်အဖွဲ့ဝင်များ၊ အကျဉ်းစခန်းတာဝန်ခံ ဦးစိုးမင်းအောင်နှင့် တာဝန်ရှိသူများက တွေ့ဆုံ၍ နိုင်ငံတော်စီမံအုပ်ချုပ်ရေးကောင်စီ၏ အမိန့်အမှတ်(၅၁/၂၀၂၃)၊ ရာဇဝတ်ကျင့်ထုံး ဥပဒေပုဒ်မ ၄၀၁(၁)အရ လွတ်ငြိမ်းခွင့်ပြုပြီး ၎င်းတို့၏ ခရီးစရိတ်ငွေ (၈၄,၇၈၀)ကျပ်၊ စားစရိတ်ငွေ (၂၂,၀၀၀)ကျပ်၊ လုပ်အားခငွေ(၁,၀၉၇,၅၀၀)ကျပ်၊ စုစုပေါင်းငွေ (၁,၂၀၄,၂၈၀)ကျပ်အား ထောက်ပံ့ပေးအပ်၍ ၎င်းတို့၏ နေရပ်အသီးသီးသို့ ပြန်လည်စေလွှတ်ပေးခဲ့ကြောင်း သိရသည်။
အထက်ပါအကျဉ်းစခန်းတွင် ဦးစီးအရာရှိ ဦးစိုးမင်းအောင်ပါအရာရှိ(၇)ဦး၊ အခြားအဆင့်(၃၉)ဦး၊ စုစုပေါင်း(၄၆)ဦး တာဝန်ထမ်းဆောင်လျက်ရှိပြီး အကျဉ်းသား(၁၃၅)ဦးအား ထိန်းသိမ်းထားရှိကြောင်း သိရသည်။
ဟိန်းထက်လင်း
https://t.me/MyanmarNationalPost
No comments:
Post a Comment