MNP ၊ သြဂုတ် ၂၉
ကချင်ပြည်နယ် ၊ ဗန်းမော်မြို့တွင် သိပ္ပံနှင့်နည်းပညာဝန်ကြီးဌာန၊နည်းပညာသက်မွေးပညာနှင့်လေ့ကျင့်ရေးဦးစီးဌာန၊အစိုးရနည်းပညာအထက်တန်း၏ မိုးရာသီအားကစားပြိုင်ပွဲ ဗိုလ်လုပွဲနှင့်ဆုချီးမြှင့်ပေးအပ်ခြင်းအခမ်းအနားအား သြဂုတ် ၂၉ ရက် ညနေ ၃ နာရီက အဆိုပါကျောင်းဝင်းအတွင်း၌ ပြုလုပ်ခဲ့ကြောင်း သိရသည်။
ရှေးဦးစွာ ကျောင်းသားကျောင်းသူများက အကဖြင့် ဖျော်ဖြေတင်ဆက်ခဲ့ပြီး ကွန်ပျူတာတက္ကသိုလ် ဒုတိယပါမောက္ခချုပ် ဒေါက်တာတင်မြင့်နိုင်၊ နည်းပညာတက္ကသိုလ် ဒုတိယပါမောက္ခချုပ် ဒေါက်တာဇော်ဝင်းအောင် ၊ အစိုးရနည်းပညာအထက်တန်းကျောင်း ကျောင်းအုပ်ကြီး ဦးကြည်ဇော်ထွန်း၊ မြို့နယ်အားကစားမှူးဦးသက်ပိုင်ထွန်း ၊ အစိုးရနည်းပညာအထက်တန်းကျောင်းမှ တွဲဖက်ပါမောက္ခ ဒေါ်ယဉ်ယဉ်အေး၊ ကျောင်းအားကစားကော်မတီဝင်များဖြစ်သည့် ဒေါ်မြတ်မြတ်ဇော် နှင့် ဒေါ်သက်သက်အောင် တို့က ကြက်တောင်ရိုက်ပြိုင်ပွဲ၊ ပိုက်ကျော်ခြင်းပြိုင်ပွဲနှင့် (၇၆)နှစ်မြောက် အာဇာနည်နေ့အထိမ်းအမှတ် အက်ဆေးပြိုင်ပွဲတို့တွင် ပထမဆု ဒုတိယဆု တတိယဆုနှင့် ပြိုင်ပွဲအကောင်းဆုံးဆု ရရှိသူများအား ဆုများ အသီးသီး ပေးအပ်ချီးမြှင့်ခဲ့ကြောင်း သိရသည်။
#MyanmarNationalPost
No comments:
Post a Comment