MNP ၊ ဩဂုတ် ၁၀
ရခိုင်ပြည်နယ်၊ သံတွဲခရိုင်၊ ကျိန္တလီမြို့၊ သံတွဲ-ဂွလမ်းပေါ်ရှိ ကြွေချိုင်ကျေးရွာရှိ ကြွေချိုင် တံတား မိုင်တိုင်(၅၁/၅နှင့် ၅၁/၆)ကြား တံတားအမှတ်(၁/၅၂) တံတားအရှည် (၁၀၀)ပေတွင် (ဂျာမန်သံပေါင်)(၆၀)ပေအပိုင်းမှ အပေါ်ထည် Stringer Sway Bracing & Timber Decking ပျက်စီး၍ ကြံ့ခိုင်မှုနည်းနေသောကြောင့် ပြုပြင်ခြင်းလုပ်ငန်းများဆောင်ရွက်ရန်အတွက် တံတားဦးစီးဌာန၊ တည်ဆောက်ရေးအဖွဲ့(၂)၊ တံတားအထူးအဖွဲ့(၈)က ယနေ့နံနက်ပိုင်းမှစ၍ တာဝန်ယူပြင်ဆင်လျက် ရှိပါသည်။
ထိုသို့ပြင်ဆင်ခြင်းလုပ်ငန်းများ ဆောင်ရွက်နိုင်ရေးအတွက် (၁၀-၈-၂၀၂၃)ရက်နေ့မှစတင်၍ (၁၂-၈-၂၀၂၃)ရက်နေ့အထိ ဆောင်ရွက်သွားမည်ဖြစ်ပြီး နံနက် ၈:၀၀နာရီမှ ညနေ ၁၈:၀၀နာရီ အတွင်း တံတားအား ခေတ္တအဖွင့်အပိတ်လုပ်၍ ပြုပြင်မည်ဖြစ်ကြောင်းနှင့် ပြုပြင်နေစဉ်အတွင်း လူနာတင်ယာဉ်နှင့် အရေးကြီးကားများ မဖြစ်မနေဖြတ်သန်းရမည်ဆိုပါက ခေတ္တစောင့်ဆိုင်း၍ ဖြတ်သန်းသွားလာခွင့်ပြုမည်ဖြစ်ကြောင်းသိရသည်။
ဇော်လင်း
https://t.me/MyanmarNationalPost
No comments:
Post a Comment