MNP ၊ ဩဂုတ် ၁၁
မကွေးတိုင်းဒေသကြီး၊ သရက်ခရိုင်၊ မင်းလှမြို့နယ်တွင် မွေးမြူရေးနှင့်ကုသရေးဦးစီးဌာနမှ ကြီးမှူး ဖွင့်လှစ်သည့် တိရစ္ဆာန်ကျန်းမာရေးလုပ်သားသင်တန်းဖွင့်ပွဲကို ယမန်နေ့နံနက် (၁၀)နာရီက မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသန်းထွန်းအောင် က သင်တန်းဖွင့်အမှာ စကားပြောကြားပြီး၊ မြို့နယ်မွေးမြူရေးနှင့်ကုသရေးဦးစီးဌာနမှ၊ မြို့နယ်ဦးစီးမှူး ဒေါက်တာပွင့်မြတ်နိုးသိမ့် က ကျေးရွာနေပြည်သူများ၊ မွေးမြူရေးကိုတက်တက်ကြွကြွ ပါဝင်ဆောင်ရွက်နိုင်စေရန်၊ ကျေးရွာနှင့်မြို့နယ် မွေးမြူရေးနှင့်ကုသရေးဦးစီးဌာနရုံးတို့ ချိတ်ဆက်မှုရရှိစေရန်၊ တိရစ္ဆာန်အကောင်ရေစာရင်း ကောက်ယူရာ တွင်အနီးစပ်ဆုံးရရှိရန်အတွက် ပူးပေါင်းဆောင်ရွက်ရန်၊ ဌာနလုပ်ငန်းများနှင့်မွေးမြူရေးလုပ်ငန်းများတွင် တက်ကြွစွာပါဝင်ဆောင်ရွက်ရန်၊ တိရစ္ဆာန်ကူးစက်ရောဂါကာကွယ်ဆေးများ ထိုးနှံရာတွင် ပါဝင်ဆောင်ရွက်နိုင်စေရန်ရည်ရွယ်ပြီး သင်တန်းဖွင့်လှစ်ရခြင်းဖြစ်ကြောင်း ရှင်းလင်းဆွေးနွေးပြောကြားခဲ့သည်။
အဆိုပါ တိရစ္ဆာန်ကျန်းမာရေးလုပ်သားသင်တန်းသို့ မြို့နယ်အတွင်းရှိ ကျေးရွာ(၂၀)ရွာမှ သင်တန်းသား၊ (၂၀)ဦးအား ဩဂုတ်လ (၁၀)ရက်နေ့မှ (၁၂)နေ့အထိ စာတွေလက်တွေ့ သင်ကြားပေးမည်ဖြစ်ကြောင်း မြို့နယ်မွေးမြူရေးနှင့်ကုသရေးဦးဌာနမှ သိရသည်။
ဇာဇာ
https://t.me/MyanmarNationalPost
No comments:
Post a Comment