MNP ၊ ဩဂုတ် ၂၆
မွန်ပြည်နယ်၊ ပေါင်မြို့နယ်၌ ၂၀၂၃ - ၂၀၂၄ ပညာသင်နှစ် မြန်မာ့သိုင်းသင်တန်းဆင်းပွဲကို (အထက)ဇင်းကျိုက်၊ရတနာမွန်ခန်းမ၌ ယနေ့ နေ့လယ် (၁)နာရီကက ကျင်းပခဲ့သည်။
သင်တန်းတွင် ဇင်းကျိုက်မြို့အုပ်ချုပ်ရေးမှူး ဦးဝေတိုးအောင် က ယခုလို သိုင်းသင်တန်းများဖွင့်လှစ်ရခြင်းဖြင့် ကျောင်းသား၊ကျောင်းသူများ ဗလငါးတန်နှင့်ပြည့်စုံပြီး ထူးချွန်ထက်မြက်သော လူရည်ချွန် များပေါ်ထွက်လာအောင် ဆောင်ရွက်ပေးသည့်အတွက် ဂုဏ်ယူဝမ်းမြောက်မိပါကြောင်း အမှာစကားပြောကြားသည်။
ဆက်လက်၍ အားကစားနှင့်ကာယပညာဦးစီးဌာနမှ ဦးစီးအရာရှိဒေါ်အေးသီတာအောင် ကမြန်မာ့အားကစားကမ္ဘာကိုလွှမ်းရမည်ဆိုသည့်ဆောင်ပုဒ်အတိုင်း အားကစား ကိုကြိုးစားသင်ယူပေးခဲ့သည့်အတွက် ထူးချွန်သည့် သင်တန်းသားများအား မြို့နယ်အဆင့် ၊ ပြည်နယ်အဆင့် မှ နိုင်ငံတော်ကိုကိုယ်စားပြုသည့်အထိ ပံ့ပိုးပေးသွားမည်ဖြစ်ကြောင်း ပြောကြားခဲသည်။
ထို့နောက် ကျောင်းအကျိုးတော်ဆောင် ကြက်ခြေနီအသင်းဥက္ကဌ ဦးအောင်မင်းနိုင် က ကျေးဇူးတင်စကားပြောကြားပြီးသင်တန်းသား၊သင်တန်းသူများက မိမိတို့သင်ယူတက်မြောက်ထားသည့် သိုင်းကွက်များဖြင့် သရုပ်ပြသခဲ့သည်။အဆိုပါ သိုင်းသင်တန်းဖွင့်လှစ်ရာတွင် သင်တန်းဆရာ (၄)ဦးက သင်တန်းသား၊သင်တန်းသူ (၇၇)ဦး အား (၁၆) ရက်ကြာ သင်ကြားပြသခဲ့ကြောင်းသိရသည်။
https://t.me/MyanmarNationalPost
No comments:
Post a Comment