MNP ၊ ဩဂုတ် ၁၂
ရန်ကုန်တိုင်းဒေသကြီး၊ ထန်းတပင်မြို့နယ်တွင် မိုးစပါးစိုက်ဧကများအပြည့်အဝ စိုက်ပျိုးနိုင်ရေးအတွက် မြို့နယ်စိုက်ပျိုးရေးကြီးကြပ်မှုကော်မတီမှ တာဝန်ရှိသူများ တွေ့ဆုံဆွေးနွေးခြင်းကို ဩဂုတ်လ (၁၀)ရက် နေ့၊ မွန်းလွဲပိုင်းက မြို့နယ်အထွေထွေအုပ်ချုပ်ရေး ဦးစီးဌာန၊ အစည်းအဝေးခန်းမတွင် ကျင်းပပြုလုပ်သည်။
ဆွေးနွေးပွဲတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးနိုင်နိုင်ဦးက စီမံကိန်းစိုက်ဧကများ ပြည့်မီအောင် စိုက်ပျိုးနိုင်ရေးကိစ္စရပ်များနှင့်ပတ်သက်၍ ရှင်းလင်းအမှာစကားပြောကြားခဲ့ပြီး တက်ရောက်လာကြသည့် မြို့နယ်စိုက်ပျိုးရေးကြီးကြပ်မှုကော်မတီဝင် များက ၂၀၂၃-၂၀၂၄ခု မိုးစပါးစိုက်ဧက ပန်းတိုင်ရည်မှန်းချက်ဖြစ်သည့် စီမံကိန်းစိုက်ဧကများ ပြည့်မီအောင်စိုက်ပျိုးနိုင်ရေးနှင့် မိုးစပါးစိုက်ဧကများအပေါ် သီးထပ်စိုက်ဧကများ ပြည့်မီအောင်စိုက်ပျိုးသွားနိုင်ရေးတို့ကို ဆွေးနွေးကြသည်။
ထန်းတပင်မြို့နယ်အတွင်း မိုးစပါးလျာထားစိုက်ပျိုးဧက (၈၅၀၈၂) ဧကရှိပြီး လက်ရှိအချိန်အထိ စိုက် ဧက (၅၁ဝဝဝ) ကျော်ထိစိုက်ပျိုးပြီးစီးကြောင်းလည်းသိရသည်။
ဇင်မင်းထိုက်
https://t.me/MyanmarNationalPost
No comments:
Post a Comment