MNP ၊ ဩဂုတ် ၄
မကွေးတိုင်းဒေသကြီး၊ နတ်မောက်မြို့နယ်ရှိ တောင်သူများသည် မိုးဦးကာလ ပဲတီစိမ်းများ စိုက်ပျိုးလျက်ရှိရာ ယခုအခါတွင် ရင့်မှည့်လာပြီဖြစ်၍ ဈေးကောင်းရရန် မျှော်လင့်လျက်ရှိကြောင်း သိရသည်။
“ကျွန်တော်တို့ငယ်ငယ်ကတော့ စိုက်ပျိုးရေးနည်းစနစ်တွေက ခေတ်မီမှုမရှိသေးတော့ မိရိုးဖလာ ပဲနောက်မျိုးကိုပဲ စိုက်ပျိုးခဲ့တယ်လို့ သိရပါတယ်။ နှစ်တွေကြာလာတော့ နည်းပညာအပြောင်းအလဲကြောင့် သီးနှံမျိုးကွဲသစ်များ ပေါ်ပေါက်လာတယ်လေ။ ဒါကြောင့် အခုကျွန်တော်တို့က ပဲနောက်စေ့ထက်သက်တမ်းတိုပြီး အထွက်နှုန်းကောင်းတဲ့ ရေဆင်း-၁၄ ပဲတီစိမ်းမျိုးများကို ရွေးချယ်စိုက်ပျိုးရတာပါ၊ ပဲနောက်ဆိုတာက အစေ့သေးသေးလေးတွေပါ၊ ပဲတီစိမ်းကတော့ အတောင့်လည်းကြီး အစေ့လည်းကြီးတယ်၊ ပိဿချိန်နဲ့ဆိုရင် ပဲနောက်စေ့က အချိန်စီးပြီး ပဲတီစိမ်းက ဝိတ်ချိန် သိပ်မစီးဘူး၊ အခုကျနော်စိုက်ပျိုးတဲ့ ပဲတီစိမ်းက ရေဆင်း-၁၄ မျိုးပါ၊ သက်တမ်းက ရက်ပေါင်း (၅၀)ရှိပြီဖြစ်တဲ့အတွက် ပဲတီစိမ်းများ ရင့်မှည့်နေပါပြီ၊ ယခင်နှစ်ကတော့ ပဲတီစိမ်းတစ်ပိဿာကို (၂၄၀၀)ကျပ်နှုန်းဖြင့် ရောင်းချရသဖြင့် ယခုနှစ်မှာလည်း ဈေးကောင်းရချင်ပါတယ်”ဟု ဂွေးချိုကျေးရွာမှ ကိုစိုးမင်းက ပြောသည်။
နတ်မောက်မြို့နယ်ရှိ တောင်သူများသည် ယခင်နှစ်များက မိုးနှောင်းကာလတွင်သာ စိုက်ပျိုးကြပြီး ယခုအခါ မိုးဦးကာများ၌ စိုက်ပျိုးလာကြကြောင်း မြို့နယ်စိုက်ပျိုးရေးဦးစီးဌာနမှ သိရသည်။
မူမူစန်း
https://t.me/MyanmarNationalPost
No comments:
Post a Comment