MNP ၊ ဩဂုတ် ၃
ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ်စက်မှုလယ်ယာဦးစီးဌာန၊ အမှတ်(၂၇)ထွန်စက်စခန်းမှ ကျေးရွာပြည်သူ(တောင်သူ)များ၏ ၂၀၂၃ ခုနှစ်၊ မိုးစပါးစိုက်ပျိုးရာသီတွင် အချိန်မီစိုက်ပျိုးနိုင်ရန်နှင့် လယ်ယာလုပ်သားရှားပါးမှုကို ကူညီဖြေရှင်းပေးသည့်အနေဖြင့် ကောက်စိုက်စက်ဖြင့် ဝန်ဆောင်မှုပေးခြင်းလုပ်ငန်းများကို ဇူလိုင်လဆန်းပိုင်းမှ ယနေ့အထိ စိုက်ပျိုးပေးခဲ့ရာ ၁၀၂ ဧက စိုက်ပျိုးပြီးစီးခဲ့ကြောင်း သိရသည်။
ထိုသို့ ကောက်စိုက်စက်ဖြင့် စိုက်ပျိုးခြင်းကြောင့် ထုတ်လုပ်မှုကုန်ကျစရိတ်များ၊ စိုက်ပျိုးမှု ကုန်ကျစရိတ်များ၊ လယ်ယာလုပ်သားရှားပါးမှုနှင့်အချိန်ကုန်သက်သာခြင်းများကို ဖြေရှင်းနိုင်ပြီး အချိန်ပြည့်ကောက်စိုက်စက်ဖြင့် စိုက်ပျိုးနိုင်မည်ဖြစ်ကြောင်း၊ ပင်ကြားတန်းကြားညီညာခြင်း၊ လေဝင်လေထွက်ကောင်းမွန်ခြင်း၊ ပင်ပွားနှုန်းကောင်းမွန်ခြင်း၊ အထွက်နှုန်းများလည်းကောင်းမွန်လာနိုင်ခြင်းများကြောင့် လယ်ယာကဏ္ဍတွင်လည်း ဖွံ့ဖြိုးတိုးတက်လာမည်ဖြစ်ကြောင်း မြို့နယ်စက်မှုလယ်ယာဦးစီးဌာနမှူး ဦးအောင်အောင်ခန့်ထံမှသိရသည်။
မင်းလှမြို့နယ်တွင် ကောက်စိုက်စက်ဖြင့် ဝန်ဆောင်မှုပေးခြင်းကို သရက်တပင်ကျေးရွာ၊ လက်ဆက် ကျေးရွာ၊ ရွှေစံပြည့်ကျေးရွာ၊ပေပင်တန်းကျေးရွာတို့ရှိတောင်သူများ၏ မိုးစပါးစိုက်ပျိုး ၁၀၂ ဧကကိုစိုက် ပျိုးပေးခဲ့ခြင်းဖြစ်ကြောင်းသိရသည်။
ပေါက်စ
https://t.me/MyanmarNationalPost
No comments:
Post a Comment