MNP ၊ ဩဂုတ် ၁၉
ရခိုင်ပြည်နယ် မာန်အောင်မြို့တွင် ခြင်ကိုက် ခံရခြင်းကြောင့် ဖြစ်ပွားတတ်သည့် သွေးလွန်တုပ်ကွေးနှင့်အခြားရောဂါများမဖြစ်ပေါ်စေရန်အတွက် ကြိုတင်ကာကွယ်နိုင်ရန် ဖုံး၊ သွန်၊ လဲ၊ စစ်၊အဘိတ်ဆေးခပ်ခြင်းကိုအပတ်စဥ်စနေနေ့တိုင်းဆောင်ရွက်လျက်ရှိရာ ယနေ့နံနက်၈နာရီက မြို့မရပ်ကွက်နှင့်မြို့သစ်ရပ်ကွက်အတွင်းရှိ လူနေအိမ်များသို့ သွားရောက်ကွင်းဆင်းဆောင်ရွက်ခဲ့ကြောင်းသိရသည်။
ထိုသို့ဆောင်ရွက်ရာတွင်မြို့နယ်စီမံအုပ်ချုပ်ရေးအဖွဲ့က ကြီးကြပ်မှုဖြင့် မြို့နယ်ပြည်သူ့ကျန်းမာရေးဦးစီးဌာနမှ ကျန်းမာ ရေးဝန်ထမ်းများက အဖွဲ့(၂)ဖွဲ့ခွဲပြီး မြို့မရပ်ကွက်နှင့်မြို့သစ်ရပ်ကွက်အတွင်းရှိ လူနေအိမ်များတွင် ခြင်ပိုးလောက်လန်းများပေါက်ပွားစေနိုင်သည့် ရေတွင်း၊ ရေလှောင်ကန်၊ဘုရားပန်းအိုး၊ရေအိုးများ၊တာရာအဟောင်း များတွင် ခြင်ပိုးလောက်လန်းများ ပေါက်ဖွားမှုမရှိစေရန် ကြည့်ရှုစစ်ဆေးပြီး ဖုံး၊ သွန်၊ လဲ၊ စစ်ခြင်းနှင့် အဘိတ်ဆေးခတ်ခြင်းများ ဆောင်ရွက်ခဲ့ပြီး ခြင်ကိုက်ခံရခြင်းကြောင့် သွေးလွန်တုပ်ကွေးနှင့်အခြားဖြစ်ပွားတတ်သည့်ရောဂါများ မဖြစ်ပေါ်စေရန် နေအိမ်ပိုင်ရှင်များအား ကျန်းမာရေး အသိပညာပေးဆွေးနွေးပြောကြားခဲ့ပြီးကျန်းမာရေးအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment