MNP ၊ ဩဂုတ် ၂၈
မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့တွင် ခရိုင်စီမံအုပ်ချုပ်ရေးအဖွဲ့ဥက္ကဋ္ဌဖလား မြို့နယ်ပေါင်းစုံ အသက်(၂၅)နှစ်အောက်(အမျိုးသား/အမျိုးသမီး) ဘော်လီဘောပြိုင်ပွဲကို ယနေ့နံနက် (၈)နာရီက မြို့နယ်အားကစားနှင့်ကာယပညာဦးစီးဌာန မိုးလုံလေလုံခန်းမတွင် ကျင်းပပြုလုပ်သည်။
ပြိုင်ပွဲတွင် ကျောက်ဆည်၊ စဉ့်ကိုင်၊ မြစ်သား မြို့နယ်တို့မှ (အမျိုးသား/အမျိုးသမီး) ဘော်လီဘောအသင်းများ ပါဝင်ယှဉ်ပြိုင်ခဲ့ကြပြီး ပထမပွဲစဉ်အဖြစ် စဉ့်ကိုင်မြို့နယ်နှင့် ကျောက်ဆည်မြို့နယ်တို့မှ အမျိုးသမီးဘော်လီဘောအသင်းနှင့် အမျိုးသားဘော်လီဘောအသင်းတို့ ယှဉ်ပြိုင်ခဲ့ကြပြီး ပြိုင်ပွဲများအပြီးတွင် အမှတ်အများဆုံးရရှိခဲ့သည့် ဘော်လီဘောအသင်းများအား ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်မျိုးသိန်းနှင့် တာဝန်ရှိသူများက ဒိုင်းဆုနှင့်အတူ ရွှေဆွဲပြား၊ ငွေဆွဲပြားများ ချီးမြှင့်သွားမည်ဖြစ်ကြောင်းနှင့် အကောင်းဆုံးအားကစားသမားများ ရွေးချယ်ပြီး ခရိုင်အဆင့် အမျိုးသား/အမျိုးသမီးဘော်လီဘောအသင်း ဖွဲ့စည်းပြီး မန္တလေးတိုင်းဒေသကြီးအစိုးရအဖွဲ့၊ မန္တလေးတိုင်းဒေသကြီး ဝန်ကြီးချုပ်ဖလားပြိုင်ပွဲတွင် ဆက်လက်ယှဉ်ပြိုင်သွားမည်ဖြစ်ကြောင်း သိရသည်။
သက်မောင်
https://t.me/MyanmarNationalPost
No comments:
Post a Comment