MNP ၊ ဩဂုတ် ၂၉
၂၀၂၃ ခုနှစ်၊ စက်တင်ဘာလ(၈)ရက်နေ့တွင် ကျရောက်မည့် “နိုင်ငံတကာစာတတ်မြောက်ရေးနေ့” အထိမ်းအမှတ် မြို့နယ်အဆင့် စာစီစာကုံး၊ ကဗျာ၊ ပိုစတာ၊ ကာတွန်း၊ ပန်းချီ၊ ဆောင်းပါးပြိုင်ပွဲများကို “ဗလငါးတန်ပြည့်စုံဖို့ စာတတ်မြောက်အောင်သင်ယူစို့” ခေါင်းစဥ်ဖြင့် မကွေးတိုင်းဒေသကြီး၊ ချောက်ခရိုင်အတွင်းရှိ မြို့နယ်များတွင် ယမန်နေ့က ကျင်းပပြုလုပ်ခဲ့သည်။
ပြိုင်ပွဲတွင် စာစီစာကုံး၊ ကဗျာ၊ ပိုစတာ၊ ကာတွန်း၊ ပန်းချီ၊ ဆောင်းပါးပြိုင်ပွဲ (၆) မျိုး ကျင်းပပြုလုပ်ခဲ့ပြီး မူလတန်း၊ အလယ်တန်း၊ အထက်တန်း အဆင့်အလိုက် ပြိုင်ပွဲများနှင့် ဆရာ၊ ဆရာမများ၊ ပညာရေးဝန်ထမ်းများမှ ကဗျာ၊ ဆောင်းပါးပြိုင်ပွဲ (၂) မျိုး ပါဝင်ယှဥ်ပြိုင်ခဲ့ကြောင်း သိရသည်။
မြို့နယ်အဆင့်ပြိုင်ပွဲတွင် မြို့နယ်အတွင်းရှိ အခြေခံပညာကျောင်းအသီးသီးမှ ကျောင်းသား၊ ကျောင်းသူများနှင့် ပညာရေးဝန်ထမ်းများ ဝင်ရောက်ယှဥ်ပြိုင်ခဲ့ကြပြီး ချောက်မြို့နယ်မှ (၄၅) ဦး၊ ရေနံချောင်းမြို့နယ်မှ (၁၂၄) ဦး စုစုပေါင်း (၁၆၉) ဦး ဝင်ရောက်ယှဥ်ပြိုင်ခဲ့ကြောင်း သိရသည်။
ကျော်မိုး
https://t.me/MyanmarNationalPost
No comments:
Post a Comment