ဗဟိုသားဖွားသင်တန်းကျောင်း(ရန်ကုန်)မှ သင်တန်းသား၊ သင်တန်းသူများ အလုံမြို့နယ်ပြည်သူ့ကျန်းမာရေးဦးစီးဌာန၌ စာတွေ့၊ လက်တွေ့လာရောက်လေ့လာ

MNP ၊  ဩဂုတ်  ၃

ဗဟိုသားဖွားသင်တန်းကျောင်း(ရန်ကုန်)မှ ၂၀၁၉ ခုနှစ် ဝင်ခွင့်ရ ဘက်စုံသားဖွားဒီပလိုမာ(၂)နှစ် သင်တန်းမှ သင်တန်းသား၊ သင်တန်းသူ ၁၇ ဉီးသည် ယမန်နေ့ နံနက်ပိုင်းမှစတင်၍ အလုံမြို့နယ်ပြည်သူ့ကျန်းမာရေးဦးစီးဌာန၌ Health Care System in Myanmar-2 ဘာသာရပ်အား  လာရောက်လေ့လာသင်ကြားကြောင်း သိရသည်။

ထိုသို့လေ့လာရာတွင် မြို့နယ်ပြည်သူ့ကျန်းမာရေးဦးစီးဌာနမှူး ဒေါက်တာသဇင်ခိုင်၏ဦးဆောင်မှုဖြင့်  ပြည်သူ့ကျန်းမာရေးဆရာမများက သင်ကြားပေးသွားမှာဖြစ်ပြီး ယနေ့တွင် ပြည်သူ့ကျန်းမာရေးဆရာမကြီးဒေါ်လှသိန်းယဉ်မှ  ကျောင်းကျန်းမာရေး(School Health)ဘာသာရပ်ကို စာတွေ့လက်တွေ့သင်ကြားပို့ချပေးခဲ့သည်။

အဆိုပါ သင်တန်းသား၊ သင်တန်းသူများသည် သြဂုတ်လ ၂ ရက်နေ့မှ ၁၅ ရက်နေ့အထိ (၂)ပတ်ကြာ ပြည်သူ့ကျန်းမာရေးစောင့်ရှောက်မှု ပညာရပ်များကို စာတွေ့လက်တွေ့  လေ့လာသင်ကြားသွားမည်ဖြစ်ကြောင်း သိရှိရသည်။

တင်တင်ချို

https://t.me/MyanmarNationalPost