MNP ၊ ဩဂုတ် ၁၆
ကချင်ပြည်နယ်၊ မိုးညှင်းခရိုင်၊ မိုးကောင်းမြို့နယ် ပင်းဘောကျေးရွာ ရေတွင်းကုန်းအုပ်စုရှိ ဆန်းသစ်လယ်/ထွေ သမဝါယမအသင်းမှ အသင်းသား ဒေါ်ဖြူဖြူဝင်း၏ကွင်းအမှတ် (၁၇၀) တွင် GW-11 စပါးမျိုးစိုက်ပျိုးနေမှုကို ဩဂုတ်လ (၁၄) ရက်နံနက်ပိုင်းက မြို့နယ်သမဝါယမဦးစီးဌာနမှ တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။
မျိုးကောင်းမျိုးသန့်စပါး စိုက်ပျိုးစေရေးနှင့်အထွက်နှုန်းတင်း (၁၂၀) နှင့်(၁၄၀)ထွက်ရှိပြီး တောင်သူလယ်သမားများဝင်ငွေတိုးပွားစေရေးအတွက် GW-11 စပါးမျိုး စိုက်ပျိုးရခြင်းဖြစ်ကြောင်း သိရသည်။
မြို့နယ်စိုက်ပျိုးရေးဦးစီးဌာနအနေဖြင့် မျိုးကောင်းမျိုးသန့်စပါးများရရှိစေရန်နှင့် ဈေးကွက်ချိတ်ဆက်နိုင်ရေးဆက်လက်ဆောင်ရွက်သွားမည်ဖြစ်ကြောင်း ဦးစီးအရာရှိဒေါ်ခိုင်မာသန်းက ပြောကြားသည်။
မိုးကောင်းမြို့နယ်တွင် GW-11 မျိုးစပါးကို ပင်းဘောဒေသစိတ်တွင်(၁)ဧက၊ မြတောင် ကျေးရွာတွင်(၃)ဧကနှင့် ထိုပူးကျေးရွာတွင် (၈၆) ဧက စုစုပေါင်းဧက(၉၀)စိုက်ပျိုးလျှက်ရှိကြောင်း သိရသည်။
သန်းလွင်ဦး
https://t.me/MyanmarNationalPost
No comments:
Post a Comment