MNP ၊ ဩဂုတ် ၈
ဒေါ်အောင်ဆန်းစုကြည် နှင့် ထိုင်းနိုင်ငံခြားရေးဝန်ကြီး တွေ့ဆုံခဲ့ပြီး ဒေါ်အောင်ဆန်းစုကြည် မှ အနောက်အုပ်စု၏ ပံ့ပိုးမှုဖြင့် အပြစ်မဲ့ပြည်သူများကို သတ်ဖြတ်နေပြီး အစိုးရက အကြမ်းဖက်အဖွဲ့အဖြစ် ကြေညာထားသော NUG, PDF အဖွဲ့များအား အသိအမှတ် မပြုကြောင်း သတင်းစကားထွက်ပေါ်လာပြီးနောက် PDF အဖွဲ့ဝင်များ ဥပဒေဘောင်အတွင်း အဆက်မပြတ် ပြန်လည်ဝင်ရောက်လျက်ရှိသည်။
ပြည်ပြေး ဝရမ်းပြေး NUG အကြမ်းဖက်အဖွဲ့ဝင်များက ဒေါ်အောင်ဆန်းစုကြည် ၏ သဘောထားကို လက်မခံဘဲ အကြမ်းဖက်လုပ်ရပ်များ ဆက်လက်လုပ်ဆောင်ရန် လှုံ့ဆော်လျက်ရှိသော်လည်း PDF အဖွဲ့အတွင်း ရောက်ရှိနေသည့် လူငယ်များ ဥပဒေဘောင်အတွင်း အဆက်မပြတ် ဝင်ရောက်လျက်ရှိရာ ဩဂုတ် ၇ ရက်တွင်လည်း ပြစ်မှုကျူးလွန်ခြင်းမရှိသော PDF အဖွဲ့မှ အလင်းဝင်ရောက်လာသူများအား မိဘအုပ်ထိန်းသူများထံ ပြန်လည်လွှဲပြောင်းပေးအပ်ခြင်းကို ကချင်ပြည်နယ်၊ ပူတာအိုမြို့ရှိ ဗန္ဓုလခန်းမ၌ ပြုလုပ်ရာ နယ်မြေခံတပ်မှ တာဝန်ရှိသူများ၊ ပူတာအို ခရိုင်/မြို့နယ် စီမံအုပ်ချုပ်ရေးကောင်စီအဖွဲ့ဝင်များ၊ ဥပဒေဘောင်အတွင်း ဝင်ရောက်လာသူများနှင့် ၎င်းတို့၏ မိဘအုပ်ထိန်းသူများ တက်ရောက်ကြသည်။
နယ်မြေခံတပ်မှ တာဝန်ရှိသူတစ်ဦးက အမှာစကားပြောကြားပြီး ဥပဒေဘောင်အတွင်း ပြန်လည်ဝင်ရောက်ခဲ့သည့် ပြစ်မှုကျူးလွန်ခြင်းမရှိခဲ့သော ကချင်ပြည်နယ်၊ ပူတာအိုမြို့နှင့် နောင်မွန်မြို့တို့မှ PDF အဖွဲ့ဝင် အမျိုးသား ၅ ဦးတို့ကို ဝန်ခံကတိ လက်မှတ်ရေးထိုးစေကာ ၎င်းတို့၏ မိဘအုပ်ထိန်းသူများထံသို့ လွှဲပြောင်းအပ်နှံပေးပြီး ထောက်ပံ့ပစ္စည်းများ ထောက်ပံ့ပေးအပ်သည်။
နိုင်ငံတော်စီမံအုပ်ချုပ်ရေးကောင်စီသည် PDF အပါအဝင် အဖွဲ့အစည်းအမျိုးမျိုးအမည်ခံ၍ လက်နက်ကိုင်ဆန့်ကျင်လျက်ရှိသည့် အဖွဲ့အစည်းများအတွင်း ရောက်ရှိနေသူများအား ဥပဒေဘောင်အတွင်းသို့ ပြန်လည်ဝင်ရောက်ရန် ဖိတ်ခေါ်လျက်ရှိရာ ဥပဒေဘောင်အတွင်းသို့ ဝင်ရောက်လာသူများကို လိုအပ်သည့်ကူညီပံ့ပိုးမှုများ ဆောင်ရွက်ပေးသွားမည်ဖြစ်ကြောင်းနှင့် လက်နက်/ခဲယမ်းများဖြင့် ဝင်ရောက်လာသူများကို ဆုကြေးငွေများ ထောက်ပံ့ပေးလျက်ရှိသည်။
သြဂုတ်လ ပထမအပတ်အတွင်း PDF အဖွဲ့ဝင်များ စဉ်ဆက်မပြတ် ဥပဒေဘောင်အတွင်း ဝင်ရောက်လျက်ရှိရာ မုံရွာမြို့၊ မော်လမြိုင်မြို့တို့တွင် အများဆုံးဝင်ရောက်ခဲ့ကြသည်။
#MyanmarNationalPost
No comments:
Post a Comment