MNP ၊ သြဂုတ် ၁၇
စစ်ကိုင်းတိုင်းဒေသကြီး၊ ရွှေဘိုမြို့နယ်၌ ယမန်နေ့က ပြည်ပြေး ဝရမ်းပြေး NUG အကြမ်းဖက်အဖွဲ့၏ လက်အောက်ခံ PDF အကြမ်းဖက်သမားများ ထောင်ထားသည့် လက်လုပ်မိုင်းပေါက်ကွဲမှု ၂ကြိမ် ဖြစ်ပွားခဲ့ပြီး နွားကျောင်းနေသော အသက် ၁၄ နှစ်အရွယ်ကလေးတစ်ဦးအပါအဝင် အပြစ်မဲ့ အရပ်သား ၃ ဦး ထိခိုက်ဒဏ်ရာရရှိခဲ့ကြောင်း သိရသည်။
ပထမပေါက်ကွဲမှုဖြစ်စဉ်မှာ စစ်ကိုင်းတိုင်းဒေသကြီး၊ ရွှေဘိုမြို့နယ်၊ တဂဏန်းကျေးရွာထိပ်တွင် ယမန်နေ့ နံနက် ၉ နာရီအချိန်ခန့်က ဖြစ်ပွားခဲ့ပြီး ယင်းပေါက်ကွဲမှုကြောင့် ၎င်းကျေးရွာတွင် နေထိုင်၍ ဈေးရောင်းအလုပ်ကို လုပ်ကိုင်သည့် အသက် ၆၀ ကျော် အမျိုးသားတစ်ဦးနှင့် ၎င်း၏ ဇနီး အသက် ၅၅ နှစ်အရွယ်အမျိုးသမီးတစ်ဦးတို့ ထိခိုက်ဒဏ်ရာ ရရှိခဲ့ကြောင်း သိရသည်။
ဒုတိယ ပေါက်ကွဲမှုဖြစ်စဉ်သည် ရွှေဘိုမြို့၊ အမှတ် (၆)ရပ်ကွက်၊ သီရိမင်္ဂလာရပ်တွင်ရှိသည့် လယ်ကွင်းအတွင်းတွင် မွန်းလွဲ ၁ နာရီ ၄၅ မိနစ်ခန့်က ဖြစ်ပွားခဲ့ပြီး ယင်းပေါက်ကွဲမှုကြောင့် နွားကျောင်းနေသည့် အသက် ၁၄ နှစ်အရွယ် ကလေးတစ်ဦး ဒဏ်ရာရရှိခဲ့ကြောင်း သိရသည်။
ပြည်ပြေး ဝရမ်းပြေး NUG အကြမ်းဖက်အဖွဲ့၏ လက်ပါးစေ PDF အကြမ်းဖက်သမားများသည် အများပြည်သူ သွားလာအသုံးပြုနေသည့် လမ်းများတွင် မိုင်းထောင်ဖောက်ခွဲခြင်းများ ပြုလုပ်ခဲ့ခြင်းကြောင့် အပြစ်မဲ့ ပြည်သူများ ထိခိုက်ဒဏ်ရာရ၊ သေဆုံးမှုများ ဖြစ်ပေါ်ခဲ့ရသည်။
#MyanmarNationalPost
No comments:
Post a Comment