MNP ၊ စက်တင်ဘာ ၁၁
ရခိုင်ပြည်နယ်၊ ဂွမြို့နယ်တွင် အောက်တိုဘာ ၁ ရက်နေ့၌ ကျရောက်မည့် (၅၉)နှစ်မြောက် မြန်မာနိုင်ငံရဲတပ်ဖွဲ့နေ့ကို ကြိုဆိုဂုဏ်ပြုသောအားဖြင့် စုပေါင်းသန့်ရှင်းရေးဆောင်ရွက်ခြင်းကို ယနေ့ နံနက် ၇ နာရီက စတင်၍ ညောင်ဝိုင်းဘုန်းတော်ကြီး ကျောင်းဝန်းအတွင်းတွင် ပြုလုပ်ခဲ့ကြသည်။
မြို့နယ်ရဲတပ်ဖွဲ့မှူး၊ ရဲမှူးခင်မောင်ထွန်း ဦးစီးသည့် အရာထမ်း၊အမှုထမ်း တပ်ဖွဲ့ဝင်များ၊ ဒုရဲမှူးဝင်းအောင်ဦးစီးသည့်အရာထမ်း၊အမှုထမ်း တပ်ဖွဲ့ဝင်များနှင့် မိသားစုဝင်များက ရွာမရပ်ကွက်၊ ညောင်ဝိုင်းဘုန်းတော်ကြီး ကျောင်းဝန်းအတွင်းရှိ အမှိုက်သရိုက်နှင့် ချုံပိတ်ပေါင်းများအား ရှင်းလင်းခြင်း၊ ဘုရားစေတီများတွင် တံမြက်စည်းလှည်းခြင်း၊ မြက်ပင်များ ရှင်းလင်းပေးခြင်းနှင့် သန့်ရှင်းရေးများကို စုပေါင်းညီညာစွာ ဆောင်ရွက်ပေးခဲ့ကြကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment