MNP ၊ စက်တင်ဘာ ၄
မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့တွင် ၂၀၂၃ ခုနှစ် မြို့နယ်အားကစားဖွံ့ဖြိုးတိုးတက်ရေး TSDP အစီအစဉ်အရ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဖလား အသက် (၂၅)နှစ်အောက် အမျိုးသား ဘော်လီဘောပြိုင်ပွဲ ဗိုလ်လုပွဲနှင့် ဆုချီးမြှင့်ပွဲကို ယမန်နေ့ ညနေ ၃ နာရီက မင်းဘူးမြို့ ခရိုင်အားကစားကွင်း မိုးလုံလေလုံအားကစားခန်းမ၌ ကျင်းပခဲ့ကြောင်း သိရသည်။
အဆိုပါပြိုင်ပွဲကို စက်တင်ဘာ ၂ ရက်နေ့တွင် စတင်ကျင်းပကာ အသင်းပေါင်း ၆ သင်း ဝင်ရောက် ယှဉ်ပြိုင်ခဲ့ကြပြီး စက်တင်ဘာ ၃ ရက်နေ့တွင် ဗိုလ်လုပွဲ ယှဉ်ပြိုင်ကစားခဲ့ရာ ဗိုလ်လုပွဲ၌ မကွေးတက္ကသိုလ်အသင်းနှင့် မန်းရေနံအသင်းတို့ ယှဉ်ပြိုင်ကစားကြပြီး မကွေးတက္ကသိုလ်အသင်းက အနိုင်ရရှိ၍ ဆုများကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်မြင်နှင့် တာဝန်ရှိသူများမှ အသီးသီး ပေးအပ်ချီးမြှင့် ခဲ့ကြကြောင်း သိရသည်။
ဝင်းနိုင်
https://t.me/MyanmarNationalPost
No comments:
Post a Comment