MNP ၊ စက်တင်ဘာ ၅
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးခင်ရီသည် ယမန်နေ့က ပဲခူးမြို့နယ်ပါတီရုံးခန်းမ၌ ကျင်းပပြုလုပ်သည့် ပဲခူးတိုင်းဒေသကြီး(အရှေ့) တိုင်းဒေသကြီး/ ခရိုင်/ မြို့နယ်များမှ ပါတီတာဝန်ရှိသူများနှင့် တွေ့ဆုံပွဲအခမ်းအနားသို့ ဗဟိုအလုပ်အမှုဆောင် ဦးလှသိန်း၊ ပဲခူးတိုင်းဒေသကြီး(အရှေ့)ပါတီ ဥက္ကဋ္ဌ ဗဟိုအလုပ်အမှုဆောင် ဦးရဲမြင့်ထွန်း တို့နှင့်အတူ တက်ရောက်ခဲ့ကြောင်း သိရသည်။
တွေ့ဆုံပွဲကို ပါတီဥက္ကဋ္ဌအပါအဝင် တက်ရောက်လာသူအားလုံးက နိုင်ငံတော်အလံအလေးပြုပြီး နိုင်ငံတော်သီချင်းသီဆို၍ အခမ်းအနားကို ဖွင့်လှစ်ခဲ့ကြပါသည်။ ထိုနောက် ပါတီဥက္ကဋ္ဌက အမှာစကား ပြောကြားရာ " ပါတီ၏ သမိုင်းကြောင်း၊ ရေတို/ရေရှည်လုပ်ငန်းများ၊ ကဏ္ဍကြီး(၈)ရပ်အပါအဝင် ထိတွေ့ဆောင်ရွက်ရမည့်ကဏ္ဍများ၊ ကာလပိုင်းခြားလုပ်ဆောင်သည့် ရက်(၉၀)စီမံချက်၊ ပါတီဝင်အင်အားစာရင်းများအား စနစ်တကျထားရှိရေး၊ Project Circle Management ကို ကျွမ်းကျင်စွာဆောင်ရွက်နိုင်ရေး " စသည့် ကိစ္စရပ်များအား မှာကြားခဲ့ကြောင်း သိရသည်။
#MyanmarNationalPost
No comments:
Post a Comment