MNP ၊ အောက်တိုဘာ ၇
ရခိုင်ပြည်နယ်၊ ကျောက်ဖြူခရိုင်၊ ရမ်းဗြဲမြို့၌ မြို့ရွာများသန့်ရှင်းသာယာလှပရေးအတွက် အမှတ်(၁)ရပ်ကွက်ရှိ သပြုချိုင် သောက်ရေကန်အား သန့်ရှင်းသာယာလှပရေးအတွက် ယနေ့နံနက် (၇) နာရီအချိန်တွင် မြို့နယ်ဌာနဆိုင်ရာ ဝန်ထမ်းများက စုပေါင်းကုသိုလ်ယူ သန့်ရှင်းရေး ဆောင်ရွက်ခဲ့ကြသည်။
အဆိုပါ စုပေါင်းသန့်ရှင်းရေး ဆောင်ရွက်ခြင်းကို မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးခင်မောင်သန်းနှင့် အဖွဲ့ဝင်များက ဦးဆောင်၍ မြို့နယ်ဌာနဆိုင်ရာ တာဝန်ရှိသူများနှင့် ဝန်ထမ်းများ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးများနှင့် အဖွဲ့ဝင်များက ပူးပေါင်း၍ သောက်ရေကန်ဘေးပတ်လည်တွင်ရှိသော ခြုံနွယ်၊ပေါင်းပင်၊မြက်ပင်များအား ခုတ်ထွင်ရှင်းလင်းခြင်း အမှိုက်ကောက်ခြင်းများအား စုပေါင်းဆောင်ရွက်ခဲ့ကြပြီး အမှိုက်များကို မြို့နယ်စည်ပင်သာယာရေး အမှိုက်သိမ်းကားဖြင့် သတ်မှတ်ထားသောနေရာ၌ စနစ်တကျ စွန့်ပစ်ခဲ့ကြကြောင်း သိရသည်။
အောင်တင်ကြည်
https://t.me/MyanmarNationalPost
No comments:
Post a Comment