MNP ၊ အောက်တိုဘာ ၃
မွန်ပြည်နယ်၊ သထုံမြို့နယ်တွင် မြို့နယ်စီမံအုပ်ချုပ်ရေးအဖွဲ့၏ ကြီးကြပ်မှုဖြင့် ဌာနဆိုင်ရာ တာဝန်ရှိသူများအဖွဲ့က မြို့နယ်ဆီလုပ်ငန်ရှင်များအဖွဲ့နှင့် ပူးပေါင်းကာ စားအုန်းဆီများကို သက်သာသောဈေးနှုန်းဖြင့် ယနေ့၊ မွန်းလွဲပိုင်းက ဆက်လက်ဖြန့်ဖြူးရောင်းချပေးခဲ့ကြောင်း သိရသည်။
စားအုန်းဆီရောင်းချပေးရာတွင် တစ်ပိဿာလျှင် (၅၀၀၀)ကျပ်ဖြင့် လူတစ်ဦးလျှင် ဆီ ၅၀ ကျပ်သားစီကို သထုံမြို့မဈေး အရှေ့၌ ရောင်းချပေးရာ စားသုံးသူပြည်သူများက အေးချမ်းပျော်ရွှင်စွာ လာရောက်ဝယ်ယူခဲ့ကြပြီး မြို့နယ်စီမံအုပ်ချုပ်ရေး အဖွဲ့ဝင်များ၊ စားသုံးသူရေးရာဦးစီးဌာနမှတာဝန်ရှိသူများ၊ ဌာနဆိုင်ရာများက လိုအပ်သည်တို့ကို ကူညီဆောင်ရွက်ပေးခဲ့ကြသည်။
အဆိုပါနေ့တွင် စားသုံးသူပြည်သူ (၄၀၀)ဦးတို့အား ဆီပိဿာချိန် (၂၀၀) ရောင်းချပေးခဲ့ကြောင်း၊ ပြည်သူများအနေဖြင့် အခြေခံစားသောက်ကုန်များအား သက်သာသောဈေးနှုန်းဖြင့် အဆင်ပြေစွာအလွယ်တကူ ဝယ်ယူစားသုံးနိုင်ပြီး ကုန်ဈေးနှုန်းတည်ငြိမ်နိုင်ရေး ရည်ရွယ်ကာ ယခုကဲ့သို့စီစဉ် ရောင်းချပေးခြင်းဖြစ်ကြောင်း သိရသည်။
https://t.me/MyanmarNationalPost
No comments:
Post a Comment