MNP ၊ အောက်တိုဘာ ၆
ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့နယ်၊ မိခင်နှင့်ကလေးစောင့်ရှောက်ရေးအသင်းရုံး ဆေးထိုးစုရပ်၌ မွေးစအရွယ် အသက် ၂လမှ ၁နှစ်ခွဲကလေးများနှင့်ကိုယ်ဝန်ဆောင်မိခင်များအား ယမန်နေ့နံနက် ၈နာရီမှစ၍ ပုံမှန်ကာကွယ်ဆေးများ ထိုးနှံတိုက်ကျွေးပေးကြကြောင်း သိရသည်။
အဆိုပါ ကာကွယ်ဆေးထိုးနှံတိုက်ကျွေးမှုသည် မွေးစက အသည်းရောင်အသည်းဝါ (ဘီ)မထိုးနှံခဲ့ရသော အသက် ၂လ ကလေးများအပါအဝင်၊ အသက်၂လ၊ ၄လနှင့် ၆လ၊ ကလေးများကို ဘီစီဂျီ၊ ပိုလီယို၊ ပြင်းထန်ဝမ်းပျက်ဝမ်းလျှော (ရိုတာ)၊ ပြင်းထန်အဆုတ်ရောင် (ပီစီဗီ)နှင့် ငါးမျိုးစပ်ကာကွယ်ဆေးများ၊ ၉ လအရွယ်ကလေးများကို ဝက်သက်-ဂျိုက်သိုး၊ ဂျပန်ဦးနှောက်ရောင်ကာကွယ်ဆေးများနှင့် ၁ နှစ်ခွဲကလေးများကို ငါးမျိုးစပ်ကာကွယ်ဆေးများကိုပုံမှန် ဆေးထိုးနှံပေးခြင်းဖြစ်ကြောင်း မြို့နယ်မိခင်နှင့်ကလေးစောင့်ရှောက်ရေး အသင်းထံမှသိရသည်။
ယနေ့တွင် မိခင်နှင့်ကလေးစောင့်ရှောက်ရေး အသင်းစုရပ်၌ အသက် ၂လအရွယ်မှ ၁နှစ်ခွဲအထိ စုစုပေါင်းရင်ခွင်ပိုက်ကလေး ၁၀၀ဦးနှင့် ကိုယ်ဝန်ဆောင်မိခင် ၂၀ဦးတို့ကို ပုံမှန်ကာကွယ်များ ထိုးနှံပေးခြင်း၊ ဆေးတိုက်ခြင်းများ ဆောင်ရွက်နိုင်ခဲ့ကြောင်း သိရသည်။
သူရကြီး
https://t.me/MyanmarNationalPost
No comments:
Post a Comment