ဟားမတ်စ် အကြီးတန်း အရာရှိများ သေဆုံးပြီဖြစ်ကြောင်း အစ္စရေးကာကွယ်ရေးတပ်ဖွဲ့ က ထုတ်ပြန်

MNP ၊ အောက်တိုဘာ ၁၁

ဟားမတ်စ်၏ စီးပွားရေးဝန်ကြီးနှင့် အခြားထိပ်တန်းနိုင်ငံရေးဗျူရိုအဖွဲ့ဝင်တစ်ဦးကို တနင်္လာနေ့ညနေပိုင်းတွင် အစ္စရေးတပ်ဖွဲ့များက သတ်ဖြတ်ခဲ့ကြောင်း အစ္စရေးကာကွယ်ရေးတပ်ဖွဲ့ (IDF) က ကြေညာချက်ထုတ်ပြန်ခဲ့သည်။ ဂါဇာကမ်းမြောင်ဒေသကို IDF မှ လေကြောင်းတိုက်ခိုက်မှု ၁၀၀ ကျော် ပြုလုပ်ခဲ့ပြီး မကြာမီတွင် ၎င်းတို့၏ သေဆုံးမှုများကို အစီရင်ခံခဲ့သည်။

ဂါဇာကမ်းမြောင်ဒေသကို ဇီယွန်နစ်သိမ်းပိုက်မှု၏ ဗုံးခွဲတိုက်ခိုက်မှုအတွင်း ၎င်းတို့နှစ်ဦးစလုံး သေဆုံးခဲ့ရကြောင်း ဟားမတ်စ်က ၎င်းတို့၏တရားဝင်ဝက်ဘ်ဆိုက်တွင် အတည်ပြုပြောဆိုခဲ့သည်။

Jawad Abu Shamala သည် ဟားမတ်စ်၏ နိုင်ငံရေးဝါဒီတွင် စီးပွားရေးဝန်ကြီးအဖြစ် တာဝန်ထမ်းဆောင်ခဲ့ပြီး Zakaria Abu Ma'amr ကို ဂါဇာရှိ အဖွဲ့ခေါင်းဆောင် Yahya Sinwar ၏ အနီးကပ်တွဲဖက်အဖြစ် IDF မှ ဖော်ပြခဲ့သည်။

Abu Shamala သည် “ငွေကြေးထောက်ပံ့မှုနှင့် အကြမ်းဖက်လှုပ်ရှားမှု” တွင် တာဝန်ရှိပြီး Abu Ma'amr သည် “အစ္စရေးနိုင်ငံ၏ လုံခြုံရေးကို ဆန့်ကျင်သည့် အရေးယူဆောင်ရွက်မှုများစွာကို အဖွဲ့အစည်းအတွင်း ဆုံးဖြတ်ချက်ချခြင်းနှင့် စီစဉ်ခြင်းတွင် ပါဝင်ခဲ့သည်” ဟု IDF က အင်္ဂါနေ့တွင် ထုတ်ပြန်ချက်တွင် ဖော်ပြထားသည်။

အစ္စရေး စစ်လေယာဉ်များသည် တနင်္လာနေ့နှင့် အင်္ဂါနေ့ကြားတွင် ဂါဇာစီးတီး၏ al-Furkan ရပ်ကွက်တွင် ပစ်မှတ် ၂၅၀ ကို စနေနေ့မှ စတင်၍ ဗုံးကြဲတိုက်ခိုက်ခဲ့သည်။

IDF သည် ဤနေရာကို အကြမ်းဖက်ဝါဒီများ၏ အသိုက်တစ်ခု အဖြစ် ဖော်ပြခဲ့ပြီး အစ္စရေးဝန်ကြီးချုပ် ဘင်ဂျမင်နေတန်ယာဟုက လေကြောင်းတိုက်ခိုက်မှုများကို “အင်အားအပြည့်ဖြင့် ဆက်လက်လုပ်ဆောင်မည်” ဟု ကတိပြုခဲ့သည်။

တိုက်ခိုက်မှုအတွင်း လူပေါင်း ၇၇၀ သေဆုံးပြီး ၄၀၀၀ ကျော် ဒဏ်ရာရရှိခဲ့ကြောင်း ပါလက်စတိုင်း ကျန်းမာရေး ဝန်ကြီးဌာနက အင်္ဂါနေ့တွင် အရပ်သား ထိခိုက်သေဆုံးမှု မြင့်တက်လာခဲ့ကြောင်း သိရသည်။ သေဆုံးသူတွေထဲမှာ ကလေး ၁၄၀ ရှိတယ်လို့ ဝန်ကြီးဌာနက ပြောသည်။

ဟားမတ်စ်တို့က အစ္စရေးကို လက်ဦးမှုယူ၍ ဗုံးကြဲတိုက်ခိုက်မှုကို စတင်ခဲ့တာပါ။ စနေနေ့ နံနက်ပိုင်းမှ စတင်ကာ ဂါဇာကမ်းမြောင်ဒေသမှ အစ္စရေးနိုင်ငံအတွင်းသို့ ဒုံးကျည်များဖြင့် ပစ်ခတ်ခဲ့ခြင်းဖြစ်ပြီး တဲလ်အဗစ်မြို့နှင့် အနီးဝန်းကျင် ပစ်မှတ်များကိုလည်း ထိမှန်ခဲ့သည်။ အစ္စရေးတောင်ပိုင်းတွင် လေကြောင်းတိုက်ခိုက်မှု အချက်ပြဥသြသံများ ကျယ်လောင်လာချိန်တွင် ဟားမတ်စ် တိုက်ခိုက်ရေးသမားများက နယ်စပ်ကို ဖြတ်ကျော်ကာ ဂါဇာကမ်းမြောင်အနီးရှိ ဂျူးအခြေချနေထိုင်ရာနေရာများကို ဝင်ရောက်စီးနင်းခဲ့သည်။

Ref - RT

https://t.me/MyanmarNationalPost