MNP ၊ အောက်တိုဘာ ၁၃
ပြည်သူများ အနာရောဂါ ကင်းရှင်း၍ ကျန်းမာရေး ပိုမိုကောင်းမွန်စေရန်အတွက် တိုင်းရင်းဆေးအကြောင်း သိကောင်းစရာ ဟောပြောခြင်းနှင့် အခမဲ့ဆေး ကုသခြင်းကိုကျုံပျော်မြို့နယ်၊ ရေစခန်းကျေးရွာ အခြေခံပညာ အထက်တန်းကျောင်း၌ ယမန်နေ့က ဆောင်ရွက်ခဲ့ကြောင်း သိရသည်။
ရှေးဦးစွာ ကျုံပျော်မြို့ (၁၆)ကုတင်ဆံ့ တိုင်းရင်းဆေးရုံမှ ဒုတိယ တိုင်ရင်းဆေးမှူး ဒေါ်ဇင်လဲ့မွန်က ရေစခန်း ကျေးရွာ အ-ထ-က ရှိ ကျောင်းသား၊ ကျောင်းသူများအား တိုင်းရင်းဆေးအကြောင်း သိကောင်းစရာ၊ တစ်ကိုယ်ရည် သန့်ရှင်းရေးနှင့် ကျန်းမာရေး၊ လတ်တလော မျက်စိနာရောဂါ ကာကွယ်ကုသနည်း၊ သက်ရှည် ကျန်းမာအောင် စားသောက် နေထိုင်နည်း စသည့်အကြောင်းအရာများအား အသိပညာပေး ဟောပြောပြီး မိမိတို့ဆေးရုံမှ ကျန်းမာရေး စောင့်ရှောက်မှု ဆောင်ရွက်ပေးနေသည့် အခြေအနေအား သတင်းစကား ဖြန့်ဝေဆောင်ရွက်ခဲ့သည်။
ထို့နောက် မြို့နယ် ဒု-တိုင်းရင်းဆေးမှူး ဦးဆောင်သည့် ကွင်းဆင်းဆေးကုသရေးအဖွဲ့က ဆရာ၊ ဆရာမများနှင့် ကျောင်းသား၊ ကျောင်းသူ (၁၃၀)ဦးအား တစ်ဦးချင်းအလိုက် တိုင်းရင်းဆေး အခမဲ့ ကုသခြင်းများကို ဆောင်ရွက်ကာ ဆေးဝါးများ အခမဲ့ ဖြန့်ဝေပေးခဲ့ကြောင်း၊ ယခုကဲ့သို့ ကျန်းမာရေး စောင့်ရှောက်မှုနှင့် အသိပညာပေး လုပ်ငန်းများ လာရောက် ဆောင်ရွက်သည့်အတွက် ကျောင်းသား၊ ကျောင်းသူများ ဝမ်းမြောက်ကြကြောင်း သိရသည်။
လပြည့်ဦး
https://t.me/MyanmarNationalPost
No comments:
Post a Comment