အစ္စရေးဝန်ကြီးချုပ်က ဂါဇာကမ်းမြောင်ဒေသအား တိုက်ခိုက်နေမှုများသည် အစသာရှိသေကြောင်း ပြော

တဲလ်အဗွီ ၊ အောက်တိုဘာ ၁၄

ဂါဇာကမ်းမြှောင်ရှိ ဟားမတ်စ်ပစ်မှတ်များကို အစ္စရေးစစ်တပ်၏ တိုက်ခိုက်မှုသည် အစသာရှိသေးကြောင်း အစ္စရေးဝန်ကြီးချုပ် ဘင်ဂျမင်နေတန်ယာဟုက ပြောကြားခဲ့သည်။

"ကျွန်ုပ်တို့သည် ရန်သူများကို မကြုံစဖူးသော အင်အားများဖြင့် တုံ့ပြန်ဆောင်ရွက်နေပါသည်။ ကျွန်ုပ်ထောက်ပြလိုသည်မှာ ၎င်းသည် အစမျှသာဖြစ်ပါသည်။ ကျွန်ုပ်တို့၏ရန်သူများသည် စတင်ပေးဆပ်နေရပြီဖြစ်ပါတယ်။ ဆက်လက် ဆောင်ရွက်မည့် ကိစ္စများကို အသေးစိတ် မဖော်ပြတော့ပါဘူး။ ဒါက အစပဲ ရှိသေးတယ်” ဟု နေတန်ယာဟုက နိုင်ငံအတွက် ရုပ်မြင်သံကြားမိန့်ခွန်းတွင် ပြောကြားခဲ့သည်။

အမေရိကန်သမ္မတ ဂျိုးဘိုင်ဒင်နှင့် အခြားကမ္ဘာ့ခေါင်းဆောင်များနှင့် စကားပြောဆိုရာတွင် တဲလ်အဗစ်အတွက် “သိသာထင်ရှားသော နိုင်ငံတကာထောက်ခံမှု” ရရှိစေရန် ကြိုးပမ်းနေကြောင်း အစ္စရေးဝန်ကြီးချုပ်က အလေးပေးပြောကြားခဲ့သည်။

နေတန်ယာဟုက အစ္စရေးသည် ဟားမတ်စ်ကို လုံးလုံးလျားလျား အောင်ပွဲခံနိုင်မည်ဟု ယုံကြည်ကြောင်း ထပ်လောင်းပြောကြားခဲ့သည်။

အစ္စရေးက ဂါဇာကမ်းမြောင်ကို လုံးဝပိတ်ဆို့ထားကြောင်း ကြေညာပြီး ပါလက်စတိုင်းနယ်မြေအပြင် လက်ဘနွန်နှင့် ဆီးရီးယားရှိ အချို့နေရာများတွင်လည်း တိုက်ခိုက်မှုများ စတင်လုပ်ဆောင်ခဲ့သည်။ အနောက်ဘက်ကမ်းမှာလည်း တိုက်ပွဲတွေ ဖြစ်ပွားနေပါတယ်။ ပါလက်စတိုင်း 1,900 ကျော် သေဆုံးပြီး 7,700 ခန့် ဒဏ်ရာများ ရရှိခဲ့သည်။ အစ္စရေးတွင် သေဆုံးသူ ၁,၅၀၀ ခန့်ရှိပြီး လူ ၄,၀၀၀ နီးပါး ဒဏ်ရာရရှိခဲ့သည်။

Ref - TASS

https://t.me/MyanmarNationalPost