MNP ၊ အောက်တိုဘာ ၆
မွန်ပြည်နယ်၊ မော်လမြိုင်ခရိုင်၊ သံဖြူဇရပ်မြို့နယ်၌ ၂၀၂၃ ခုနှစ် အောက်တိုဘာ ၁ ရက်နေ့တွင် ကျရောက်သည့် အပြည်ပြည်ဆိုင်ရာ သက်ကြီးရွယ်အိုများနေ့ကို ဂုဏ်ပြုသည့်အနေဖြင့် မွန်ပြည်နယ်အစိုးရအဖွဲ့မှ ကျင်းပပြုလုပ်သည့် ဂုဏ်ပြုပွဲအခမ်းအနားတွင် ပေးအပ်ချီးမြှင့်သည့် ဂုဏ်ပြုငွေများကို သံဖြူဇရပ်မြို့နယ်အတွင်းရှိ သက်ကြီးဘိုး/ ဘွားများအား ဂုဏ်ပြုပေးအပ်ခြင်းကို ယမန်နေ့မွန်းလွဲပိုင်းက အိမ်တိုင်ရာရောက် ဂါရဝဂုဏ်ပြုချီးမြှင့် ပေးအပ်ခဲ့ကြောင်း သိရသည်။
ထိုသို့ပေးအပ်ရာတွင် မွန်ပြည်နယ်အစိုးရအဖွဲ့မှ ဂုဏ်ပြုပေးအပ်ငွေများကို မြို့နယ်စီမံအုပ်ချုပ်ရေးအဖွဲ့မှ တစ်ဆင့်ရပ်ကွက်/ ကျေးရွာအုပ်ချုပ်ရေးမှူးနှင့် စာရေးဝန်ထမ်းတို့က သံဖြူဇရပ်မြို့နယ်အတွင်းရှိ အသက်(၁၀၀)နှစ်နှင့်အထက် သက်ကြီးဘိုး/ ဘွား (၈)ဦးတိုးအား တစ်ဦးလျှင် ငွေကျပ် (၅၀၀၀၀)နှုန်းဖြင့် စုစုပေါင်းငွေကျပ် (၈၀၀၀၀၀)ကို အိမ်တိုင်ရာရောက် ဂုဏ်ပြုချီးမြှင့်ပေးအပ်ခဲ့ကြောင်းနှင့် မြို့နယ်အမျိုးသမီးရေးရာအဖွဲ့မှလည်း ဆင်းရဲနွမ်းပါးသည့် အိမ်တိုင်ရာရောက် အစောင့်အရှောက်ခံ သက်ကြီးဘိုး/ ဘွား(၂၆)ဦးအား တစ်ဦလျင် ငွေကျပ် (၅၀၀၀၀)နှုန်းဖြင့် ဘိုး/ဘွား (၂၆)ဦးကို စုစုပေါင်းငွေကျပ် (၁၃၀၀၀၀၀) ပေးအပ်ရာ သံဖြူဇရပ်မြို့နယ်အတွင်း စုစုပေါင်းငွေကျပ် (၂၁၀၀၀၀၀)ကို အိမ်တိုင်ရာရောက် ဂါရဝဂုဏ်ပြုချီးမြှင့် ပေးအပ်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment