MNP ၊ နိုဝင်ဘာ ၂၂
ပြည်တွင်းရေးဝင်ရောက်စွက်ဖက်သူများအား ရှုတ်ချပွဲကို ယနေ့နံနက် ၁၁ နာရီအချိန်က မန္တလေးတိုင်းဒေသကြီး၊ ချမ်းမြသာစည်မြို့နယ်တွင် ပြုလုပ်ခဲ့သည်။
အဆိုပါရှုတ်ချပွဲကို ချမ်းမြသာစည်မြို့နယ်၊ ချမ်းမြသာစည်တောင်ရပ်ကွက်၊ အကွက် ၄၁၀(A)၊ ရန်-မန်းလမ်း ချမ်းမြသာစည်လေဆိပ်ဟောင်းတွင် စုရပ်ပြုလုပ်ဆောင်ရွက်ခြင်းဖြစ်ပြီး အကြမ်းဖက်ထောက်ခံသူများအား (ဆန့်ကျင်ကြ)၊ ပြည်တွင်းရေးဝင်ရောက် စွက်ဖက်သူများအား (ဆန့်ကျင်ကြ)၊ သတင်းအမှားများထုတ်ပြန်နေသော ပြည်တွင်း/ပြည်ပ မီဒီယာများအား (အလိုမရှိ)၊ ပြည်ထောင်စုသမ္မတမြန်မာနိုင်ငံတော် အဓွန့်ရှည်တည်တံ့ပါစေ အစရှိသည့် စာတမ်းပါ ဆိုင်းဘုတ်များကိုင်ဆောင်၍ ကြွေးကြော်ကာ ချမ်းမြသာစည်လေဆိပ်ဟောင်းရှေ့စုရပ်မှ စစ်ကိုင်းလမ်းခွဲအထိ လှည့်လည် ဆန္ဒထုတ်ဖော်ခဲ့ကြောင်း သိရသည်။
ချမ်းမြေ့
https://t.me/MyanmarNationalPost
No comments:
Post a Comment