MNP ၊ဒီဇင်ဘာ ၁၁
သာသနာရေးနှင့်ယဉ်ကျေးမှုဝန်ကြီးဌာန သာသနာရေးဦးစီးဌာနက ကြီးမှူးကျင်းပသည့် ၂၀၂၃ ခုနှစ် အစိုးရအဘိဓမ္မာနှင့် ဝိသုဒ္ဓိမဂ်စာမေးပွဲကို မကွေးတိုင်းဒေသကြီး ရေနံချောင်းမြို့နယ် သုံဆယ့်ခြောက်ကျေးရွာအုပ်စု ဂျုပ်ပင်ရွာဦးကျောင်းဓမ္မာရုံ စာဖြေဌာနတွင် ဒီဇင်ဘာလ ၉ ရက်နေ့ မွန်းလွဲ ၁ နာရီက ကျင်းပသည်။
အဆိုပါ စာမေးပွဲကို ဒီဇင်ဘာ ၉ ရက်နေ့မှ ၁၁ ရက်နေ့အထိ ကျင်းပသွားမည်ဖြစ်ပြီး စာမေးပွဲတွင် အဘိဓမ္မာရိုးရိုးဖြေဆိုသူ သီလရှင်၂၁ ပါး၊ လူပုဂ္ဂိုလ် ၄၉ ဦး၊ အဘိဓမ္မာဂုဏ်ထူးဆောင် ဖြေဆိုသူ လူပုဂ္ဂိုလ် ၁၂ ဦးနှင့် ဝိသုဒ္ဓိမဂ်ဖြေဆိုသူ လူပုဂ္ဂိုလ် ၁ ဦးတို့ ဝင်ရောက်ဖြေဆိုကြောင်း သိရသည်။
စာမေးပွဲကျင်းပရာတွင် စာမေးပွဲကြီးကြပ်ရေးအဖွဲ့ ဆရာတော်ကြီးများ၊ မြို့နယ်သံဃာ့နာယကအဖွဲ့ဥက္ကဋ္ဌနှင့် အဖွဲ့ဝင်ဆရာတော်များက ကြီးကြပ်ဆောင်ရွက်လျက်ရှိပြီး မြို့နယ်စီမံအုပ်ချုပ်ရေးအဖွဲ့နှင့် သာသနာရေဦးစီးဌာန တာဝန်ရှိသူများက လိုအပ်သည်များကို ကူညီဆောင်ရွက်ပေးလျက်ရှိကြောင်း သိရသည်။
https://t.me/MyanmarNationalPost
No comments:
Post a Comment